सामान्य अवस्थामा रहेका वर्षमान पुन उपचार गर्न बैंकक जाँदै

Posted on: February 26, 2017 | views: 677

काठमाडौं ।
डाक्टर र अस्पताल प्रशासनले स्वास्थ्य सामान्य अवस्थामा आइसकेको बताउँदा समेत नेकपा माओवादी केन्द्रका नेता वर्षमान पुन अनन्त उपचारको लागि बैंकक जान लागेका छन् ।

काठमाडौंको सबैभन्दा महंगो ग्राण्डी अस्पतालमा उपचार गराइरहेका बर्षमान पुन अस्पतालले उनको ज्वरो नियन्त्रणमा आएको र अवस्था सामान्य रहेको बताउँदा बताउँदै थप उपचारको नाममा बैंकक जान लागेका हुन् ।

अस्पतामा उपचार हेरिरहेका डा. चक्रराज पाण्डेले अवस्था सामान्य रहेको बताएपनि फलोअपको नाममा बैंककको सुविधा सम्पन्न महंगो अस्पताल अस्पतालबाट रिफर गराएर उनि जान लागेका हुन् ।

पुनसँगै उनकी पत्नी एवम् सभामुख ओनसरी घर्तीमगर पनि बैंकक जाने भएकी छिन् ।

बैंककस्थित समिति भेज अस्पतालमा उपचारका लागि जान लागेका बर्षमान पुनको सबै उपचार खर्च उनको पार्टी नेतृत्वको पुष्पकमल दाहाल सरकारले राज्य ढुकुटीबाट व्यहोर्ने तयारी गरिरहेको बुझिएको छ ।

जण्डिस रोगको उपचारको लागि पूर्व अर्थ मन्त्री रहेका बर्षमान पुन यसअघि समेत बैंकक गएका थिए ।