मानवअधिकारको नाममा एमनेस्टी इन्टरनेशनल देशद्रोहीको बचाउमा लाग्यो

Posted on: February 22, 2017 | views: 968

काठमाडौं ।
इराक, अफगानिस्तान लगायत देशमा अमेरिका र पश्चिमा देशले हजारौं निर्दोश नागरिक मार्दा मानवअधिकार हनन नदेख्ने लण्डनस्थित एम्नेष्टी इन्टरनेशनलले नेपालमा देशद्रोही गतिविधि गरिरहेका सिके राउतको बचाउ गरेको छ ।

देशद्रोही कामलाई कथित  ‘अभिव्यक्तिको स्वतन्त्रता’ को संज्ञा दिंदै उसले पर्यटकको भेषमा आएर राजनीतिक गतिविधिमा संलग्न र सामाजिक सञ्जालमा तथानाम लेख्ने विदेशीलाई देश निकाला गर्दा त्यसको समेत बचाउ गरेको छ ।

पश्चिमा देशको अनुदानबाट सञ्चालित नेपाल स्थित यसको कार्यालयले मंगलबार कार्यक्रम गर्दै सार्वजनिक पुस्तकमा नेपालबारे अनावश्यक र गम्भिर टिप्पणी गरेको छ ।

भारतमा समेत कास्मिरमा बिद्रोहीलाई सहयोग गरेको पाइएपछि दिल्लीको कार्यालय बन्द गरिएको एम्नेस्टी इन्टरनेशलनमाथि अमेरिकी गुप्तचर संस्था सिआइएसँग साँठगाँठ रहेको आरोप लाग्दै आएको छ ।

तराईका जिल्लामा हिंसा भड्काउने गतिविधि र अभिव्यक्ति दिंदै आएका देशद्रोही सिके राउतलाई ‘शान्तिपूर्ण राजनीतिका विचारकको संज्ञा दिएको एम्नेष्टीले यसैगरी सिके राउतको समर्थनमा बोल्दा दुई बर्षअघि कृष्ण पहाडी लगायत मानवअधिकारकर्मीहरुले यो संस्था नेपालको हितमा नरहेको भन्दै छाडिदिएका थिए ।

फेरी यहि एमनेस्टीले सिके राउतको पक्षमा खुलेआम वकालत गरेको छ । एम्नेष्टीले राउतको बचाऊ र समर्थन गर्दै पूर्वप्रधानमन्त्री केपी ओलीको नामै लिएर उनिमाथि आरोप समेत लगाएको छ ।



मानवअधिकारको खोल ओडेर कुनै व्यक्तिको गुणगान र कसैको बिरोध गर्ने यो संस्थाले उसको वार्षिक प्रतिवेदन २०१६ मा लिखित रुपमै देशद्रोही राउतको पक्राउको बिरोध गरेको छ ।

नेपालको विखण्डनलाई खुलेआम मलजल गर्दै एम्नेष्टीद्वारा चरण प्रसाईलगायतको आतित्यमा सार्वजनिक गरेको आफ्नो प्रतिवेदनमा सीके राउतप्रति यसरी सद्भाव देखाइएकोबाट पनि एमनेस्टी बिदेशी एजेण्टबाट सञ्चालित रहँदै नेपालमा हिंसा भड्काउन उद्यत रहेको देखिएको छ ।

यो कार्यक्रममा मानवअधिकारवादी बताउँदै हिँड्ने कपिल श्रेष्ठ लगायतको उपस्थिति रहेको थियो ।

एम्नेष्टीको प्रतिवेदनले क्यानेडियन नागरिकको ‘देश निकाला’लाई पनि अभिव्यक्ति स्वतन्त्रता उल्लंघनको घटनाको उपमा दिएको छ ।

नेपालमा रहेर नेपालको कानुन विपरित गतिविधि गरेपछि निकालेका यि बिदेशीको समेत एमनेस्टीइन्टरनेशनल नामक यो संस्थाले बिरोध जनाएको छ ।