विवादास्पद चन्दलाई आइजीपीमा बढुवा गर्ने मुद्दामा बुधबार सुनुवाइ

Posted on: February 19, 2017 | views: 366

काठमाडौं ।
सर्वोच्च अदालतले नेपाल प्रहरीका महानिरीक्षकमा विवादास्पद रहेका जयबहादुर चन्दलाई बढुवा गर्ने मन्त्रिपरिषद्को निर्णय तत्कालका लागि कार्यान्वयन नगराउन दिएको अल्पकालीन अन्तरिम आदेश बुधबारसम्म जारी रहने भएको छ ।

न्यायाधीश ईश्वरप्रसाद खतिवडा र हरिकृष्ण कार्कीको संयुक्त इजलासले आज पूरक निवेदनका सम्बन्धमा महान्यायाधिवक्ता कार्यालयलाई जानकारी नभएको हुँदा बुधबारसम्म अल्पकालीन अन्तरिम आदेश जारी रहने अदालतका सहप्रवक्ता विश्वराज पौडेलले जानकारी दिनुभयो ।