देशद्रोही सिके राउतलाई थप दस दिन थुन्न आदेश

Posted on: February 13, 2017 | views: 491

सिरहा ।
भारतीय संरक्षण र पश्चिमा देशको आशिर्वादमा तराईका जिल्लाहरुमा देश टुक्राउने अभिव्यक्ति दिंदै देशद्रोही काम गर्दै हिंड्दै आएका सिके राउतलाई अदालतले प्रहरीलाई थप १० दिन थुन्न आदेश दिएको छ ।

राज्यविरुद्धको संगठित अपराध अन्तर्गत मुद्दा चलाइएका राउत बिरुद्ध सिरहा जिल्ला अदालतले दोस्रो पटक यस्तो आदेश दिएको हो ।

स्वतन्त्र मधेशको पक्षमा गतिविधि गर्दै आएको आरोपमा धनुषाको जनकपुरमा पक्राउ गरी ईलाका प्रहरी कार्यालय लहानले मुद्दा दायर गरेपछि अदालतमा पेश गरिएका राउतलाई पहिलो पटक माघ २१ गते सिरहा जिल्ला अदालतले अनुसन्धानका लागि दस दिनसम्म थुनामा राख्ने आदेश दिएको थियो ।

राउतलाई जिल्ला सदरमुकाम सिरहास्थित अदालत लैजाने क्रममा उनका समर्थकहरुले मध्यान्ह सिरहाको हेमनारायण चोक र अदालत आगाडी प्रदर्शन गरेका छन् ।

प्रहरीले प्रदर्शन रोक्न खोज्दा प्रहरीमाथि ढुंगामुढा गर्न खोजेपछि प्रहरीले सामान्य लाठीचार्ज गरेको थियो ।

राउतको सिहाईको माग गर्दै प्रदर्शनमा उत्रिएका केही उग्रप्रदर्शनकारीलाई प्रहरीले पक्राउ समेत गरेको छ ।