प्रचण्ड सरकारले वरिष्ठता र क्षमता नहेरी आइजीपी छानेपछि सर्वोच्चमा नवराज सिलवालको रिट

Posted on: February 12, 2017 | views: 703

काठमाडौं ।
वरिष्ठता मिच्दै काँग्रेस सभापती शेरबहादुर देउवाको दवावमा सरकारले जयबहादुर चन्दलाई प्रहरी महानिरीक्षमा नियुक्त गरेपछि त्यसको बिरोध गर्दै वरिष्ठता र कार्य कुशलतामा पहिलो नम्वरमा रहेका नवराज सिलवाल आफुलाई आइजीपीमा नियुक्त गर्नुपर्ने माग गर्दै सर्वोच्च अदालत पुगेका छन् ।

जयबहादुर चन्दलाई आइजीपी नियुक्तको निर्णय बदर गराउन माग गर्दै सिलवालले सर्वोच्च अदालतमा रिट दायर गरेका छन् ।

सिलवालले आइतबार दिउँसो आफूलाई आइजीपी बनाउनुपर्ने मागसहितको रिट सर्वोच्च अदालतमा दायर गरेका हुन् ।

मन्त्रिपरिषद् बैठकले आइतबार बिहान तेस्रो वरियतामा रहेका चन्दलाई आइजीपी बनाउने निर्णय गरेको थियो ।
यद्यपी सर्वोच्च अदालतले केहीबेर अघि मात्र मन्त्रिपरिषदको निर्णय कार्यान्वयन नगराउन भन्दै अन्तरिमकालिन आदेश जारि गरिसकेको छ ।

सिलवालको रिटमा आइजीपीको विषय सार्वजनिक सरोकारको भएको उल्लेख गर्दै मन्त्रिपरिषदको अधिकारमा बाह्य हस्तक्षेप भएको भन्दै नियुक्ती प्रक्रियामा उनले असन्तुष्टि समेत जनाएका छन् ।

सिलवालले नेपाल प्रहरीको कार्यसम्पादन, मूल्यांकन, वरिष्ठतालगायत आधार विपरित चन्दलाई आइजीपीमा नियुक्ति गरिएकोमा आपत्ति जनाएका छन्।

डिआइजी सिलवालले मन्त्रिपरिषद्को निर्णय रोक्न अन्तरिम आदेश जारी गर्न माग गर्दै प्रहरी नियमावली अनुसार वरिष्ठता र कार्य सम्पदाद मुल्यांकनका आधारमा आइजीपी नियुक्त गर्न समेत माग गरेका छन् ।