मातृभुमीको सेवाको लागि सेना सँधै तयार-प्रधानसेनापती

Posted on: February 03, 2017 | views: 445

धनगढी ।
नेपाली सेना भूतपूर्व सैनिकको सुदूर पश्चिमाञ्चल स्तरीय सम्मेलन आज कैलाली जिल्लाको धनगढीमा सम्पन्न भएको छ ।

दुई दिनसम्म धनगढीमा भएको सम्मेलनको समापन गर्नुहुदै प्रधान सेनापति राजेन्द्र क्षेत्रीले राष्ट्रको माग अनुसार मातृभुमीको सेवाको लागि सैनिकहरु सदैव तयार रहने बताउनु भयो ।

प्रधान सेनापति क्षेत्रीले राष्ट्रिय अखण्डता, सार्वभौम सत्ता र राष्ट्रिय एकताका लागि नेपाली सेना सदैव एक भएर लाग्ने बताउनु भयो ।

नेपाली सेनाको व्यवस्थापन तथा नेपाली सेना कल्याणकारी बोर्डको संयोजकत्वमा सञ्चालन भएको सम्मेलनमा सुदूर पश्चिमाञ्चल विकास क्षेत्र अन्र्तगतको नौ वटा जिल्लाका करिव दुई हजार भूतपूर्व सैनिक तथा निबृत्तभरणमा रहेका परिवारजनहरुको उपस्थिति रहेको थियो ।

सम्मेलनको क्रममा एक हप्तासम्म सञ्चालन गरिएको निःशुल्क स्वास्थ्य शिविरमा भूतपूर्व, वहालवाला सैनिक तथा उनीहरु परिवार र गैर सैनिक व्यक्तिहरु समेत गरी करिव २३ सय जनालाई स्वास्थ्य परिक्षण तथा निःशुल्क औषधी समेत वितरण गरिएको थियो ।