दाहाल सरकार लम्पसार, भारतले सिमा मिचेर पक्की सडक बनाउँदा समेत किन मौन

Posted on: January 29, 2017 | views: 683

महोत्तरी ।
भारतकै आशिर्वाद र ईशारामा प्रधानमन्त्री बनेको आरोप खेप्दै आएको पुष्पकमल दाहाल नेतृत्वको सरकार देशको सिमा मिचिंदा समेत मौन बस्न थालेको छ ।

एकमात्र अन्र्तराष्टिय बिमानस्थलमा भारतीय सेनानै छिर्नदिने गोप्य अनुमति दिएको रहस्य खुलेकै समयमा भारतले महोत्तरी जिल्लाको मटिहानी गाविससँग जोडिएको सिमामा भारतले सिमा मिचेरै पक्की सडक बनाएको छ ।

सिमाको भारतीय सहर मधवापुरमा दसजगामै पक्की सडक र नाला निर्माण भएपनि यसबारे सबै जानकारी पाएर पनि पुष्पकमल दाहाल सरकार बेखवर जस्तै बस्न थालेको छ ।

जिल्ला प्रशासन कार्यालय महोत्तरीका अनुसार भारतीय पक्षले मटिहानी गाविस–८ स्थित दसगजा क्षेत्रमा ७ दशमलव ३१ मिटर दसगजा मिचेर पक्की सडक र नाला निर्माण गरेको छ ।

सीमाक्षेत्रको दसगजाभन्दा दुवैतिर ३० मिटरसम्म कुनै पनि प्रकारको भौतिक संरचना निर्माण गर्न नपाउने अन्तर्राष्ट्रिय मान्यता र सम्झौता छ । तर भारतले भने नेपाली भूमिनै मिचेर पक्की सडक बनाउँदा समेत सरकारले यसलाई रोक्ने कुनै पहल गरेको छैन ।

प्रमुख जिल्ला अधिकारी वीरेन्द्र यादवले भारतले दसगजा मिचेर भौतिक संरचना निर्माण गर्न लागेको सम्बन्धी गत पुस २३ गते नै जानकारी पाएपछि सशस्त्र बेस क्याम्प मटिहानीले सो संरचनाको विरोध गरी काममा अवरोध खडा गर्दै रोक लगाएपनि भारतले अटेर गरेर निर्माण गरिररहेको जानकारी दिए ।

सशस्त्र प्रहरी उपरीक्षक प्रकाश श्रेष्ठले भारतले यसरी दसगजामा बनाएको पक्की सडक र नालाको महोत्तरीका प्रजिअ यादवसहितको सुरक्षा निकायले स्थलगत निरीक्षण गरेको र यसबारमा भारत मधुवनी जिल्लाका डिएम र सशस्त्रका कमाण्डरसँग समन्वय गरी निर्माण गरिएको संरचना भत्काएर मिचिएको दसगजा क्षेत्रलाई खाली गराउन भनिएपनि बेवास्ता हुँदै आएको छ ।

यसबारेमा सरकारलाई जानकारी गराइसकिएपनि कुनै पहल नभएको जिल्ला प्रशासन कार्यालय र सुरक्षा निकायले गरेको छ । यसलाई रोक्न व्यापक जागरण र जनताले नै दबाव नदिए सिमा मिचिएर देशमाथिकै सुरक्षामा प्रश्न उठ्न थालेको उनिहरु बताउँछन् ।