चिनियाँ नागरिक ४४ वटा पासपोर्ट सहित एयरपोर्टबाट पक्राउ

Posted on: January 26, 2017 | views: 429

काठमाडौं ।
त्रिभुवन अन्तर्राष्ट्रिय विमानस्थलबाट ४४ थान राहादानी ९पासपोर्ट०सहित चिनियाँ नागरिक पक्राउ परेका छन् ।

ड्रागन एयरबाट चिनको कुनमिङ जान लागेका चिनियाँ नागरिक ४१ वर्षीय वीउ बिन छि पक्राउ परेका हुन् ।


हिजो 'बुधबार' बेलुका साढे ९ बजे विमानस्थलबाट पक्राउ गरिएको विमानस्थलका डीएसपी गणेश चन्दले जानकारी दिए ।

चन्दका अनुसार पक्राउ परेका छिको साथबाट चिनियाँ नागरिकका ४४ थान पासपोर्ट बरामद भएको छ । ती पासपोर्टमा कुनै देशको भिसा लागेको छैन ।

छिले भिसा लगाउन पासपोर्ट नेपाल ल्याएको प्रहरीलाई बयान दिएको डीएसपी चन्दले जानकारी दिए । जबकी चिनियाँ नागरिकलाई नेपालमा ‘अनअरायभल भिसा’ दिने व्यवस्था छ । उनी अहिले पनि प्रहरी नियन्त्रणमा छन् ।

यसबारे अनुसन्धान भइरहेको डीएसपी चन्दले बताए । उनले दोभाषे ल्याएपछि थप अनुसन्धान हुने कान्तिपुरमा समाचार छ ।

पछिल्लो समय नेपालको बिमानस्थल हुँदै अवैध तस्कर हुनेगरेको समाचारहरु लगातार आइरहेका छन् ।