लोग्नेले यातना दिन नछाडेपछि आफैंले आफुलाई आगो लगाइन् अलिसाले

Posted on: January 20, 2017 | views: 663

बाँके ।
नेपालगञ्ज-१२ खटिकनकुरुवाकी २३ वर्षीया अलिसा खटिकले आफ्नै श्रीमान राजेन्द्रको कुटपिट सहन नसकेपछि आत्मदाहको प्रयास गरेकी छन् ।

जलेर गम्भीर घाइते भएकी अलिसाको बेहोस अवस्थामा भेरी अञ्चल अस्पताल नेपालगञ्जमा उपचार भइरहेको छ भने पछि फरार छन् । प्रहरीले अलिसालाई उनको पतिले आगो लगाएको आशंका गरेको छ ।

श्रीमान् राजेन्द्र खटिकले उनलाई दिनहुँ कुटपिट गर्ने गरेको पाइएके छ ।बिहीबार राति पनि मदिरा सेवन गरेर घर आएका राजेन्द्रले श्रीमती अलिसालाई कुटपिट गर्न थाले ।

यातना सहन नसकेपछि श्रीमती अलिसाले बलिरहेको टुकीको मट्टीतेल टाउकोबाट खन्याइन् र आगो लगाइन् । श्रीमान् राजेन्द्र भने आगो निभाउनुको सट्टा फरार भए ।

अलिसाको टाउको, अनुहार, घाँटी र छाती जलेको छ । उनको अवस्था गम्भीर छ र भेरी अञ्चल अस्पतालमा उपचार भइरहेको छ ।

यसअघि नेपालगञ्जमै एक व्यक्तिले श्रीमतीलाई आगो लगाएर हत्या प्रयास गरेको घटना सार्वजनिक भएको थियो ।