लोडसेडिङ न्यूनिकरणमा अहसयोग गर्ने प्राधिकरण सञ्चालक समितिका तीन सदस्य बर्खास्त

Posted on: December 19, 2016 | views: 550

काठमाडौं ।
लोडसेडिङ न्यूनिकरण तथा विद्युत चुहावटमा असहयोग गर्दै आएका नेपाल विद्युत प्राधिकरण सञ्चालक समितिका तीनजना सदस्य पदबाट बर्खास्त भएका छन् ।

बर्षौं देखी विद्युत लुकाएर तथा चुहावटलाई न्यूनिकरण गर्न उदासिन रहँदै आर्थिक लाभ लिंदै आएको आम आरोप लागेका तीन सदस्यहरु लक्ष्मणप्रसाद अग्रवाल, मनोजकुमार मिश्र र सुरज लामिछानेलाई उर्जामन्त्रालयले पदबाट हटाएको हो ।

उर्जा मन्त्री जनार्दन शर्माले नेपाल विद्युत प्राधिकरणका कार्यकारी निर्देशक कुलमान घिसिङलाई असहयोग गरेको भन्दै प्राधिकरण सञ्चालक समितिका यि तीन सदस्यलाई बर्खास्त गरेको बताइएको छ ।

कार्यकारी निर्देशक घिसिङलाई लोडसेडिङ घटाउन मद्दत गर्नुको साटो अवरोध गरेको आरोप उनिहरुमाथि लाग्दै आएको थियो ।

आरोपीतहरुमाथि सोधिएको स्पष्टिकरणमा बुझाएको स्पष्टिकरण चित्त बुझ्दो नभएपछि हटाइएको हो ।

लोडसेडिङ मुक्त बनाउने अभियान र घिसिङलाई असहयोग गरेपछि मन्त्रालयले उनीहरुलाई स्पष्टिकरण मागेको थियो ।