बाबुराम भट्टराईलाई भट्टराईले नै हाने जुत्ताले, पोखरामा खनियो जनआक्रोस

Posted on: December 08, 2016 | views: 778

२३ मंसिर, पोखरा ।
नयाँ शक्ति नेपाल पार्टिका संयोजक डा.बाबुराम भट्टराईमाथि पोखरामा जनआक्रोस पोखिएको छ । उनलाई एक युवाले जुत्ता प्रहार गरि आक्रोस पोखेका छन् ।

पृथ्वीनारायण क्याम्पसमा कैलाली नारायणपुरका २९ वर्षीय सञ्जिव भट्टराईले जुत्ता प्रहार गरेका हुन् । उनि अर्थशास्त्र विषयमा स्नाकोत्तर अध्ययनरत विद्यार्थी हुन् ।

भट्टराई बोलिरहेका बेला पछाडि बसेका सञ्जिवले बाबुराम भट्टराई मुर्दावाद भन्दै कालो झण्डा देखाएर जुत्ता प्रहार गरेका हुन् ।

भट्टराई पार्टी निकट नयाँ शक्ति विद्यार्थी युनियनले नवआगन्तुक विद्यार्थीको स्वागतमा भन्दै गरेको कार्यक्रममा भट्टराई थर भएकै युवाले उनिमाथि जुत्ता प्रहार गरेका हुन् ।

आफु बिरुद्ध जनताको आक्रोस पोखिएर मुर्दावाद भन्दै कालो झण्डा देखाउँदा भट्टराईले बिरोध गर्नुको कारण र जनताको आक्रोस बुझ्न खोज्नुको साटो उल्दै कालो झण्डा र गाली तथा मुर्दाबादका नारा कति सुनियो सुनियो, यसले केही फरक पर्दैन भनेका थिए ।

लगत्तै सञ्जिवले आफुले लगाएको जुत्ता फुकाल्दै भट्टराईलाई ताकेर हानेका थिए । तर पनि भट्टराईलाई जुत्ताले भने लागेन ।

भट्टराईमाति जुत्ता प्रहार भएपछि उनका कार्यकर्ताहरुले सञ्जीवमाथि हातपात गरेका थिए । पछि उनलाई प्रहरीको जिम्मा लगाएका छन् । भट्टराईका कार्यकर्ताको कुटाइबाट सञ्जिवको कान र नाकमा चोट लागेको छ ।

प्रहरीले सञ्जिवलाई वडा प्रहरी कार्यालय बगरमा राखेर अनुसन्धान गरिरहेको प्रहरीले बताएको छ ।