कथित मधेस आन्दोलनमा थुप्रै भारतीयले नागरिकता लिए

Posted on: December 07, 2016 | views: 319

२२ मंसिर, काठमाडौ ।
नाता र सम्वन्धका आधारमा नेपाली नागरिकता हत्याउने भारतीयहरुको क्रम बढेको पाइएको छ ।

पछिल्ला केही वर्षयता सीमा क्षेत्रमा भारतीयले नाता सम्बन्धका आधारमा नेपाली प्रशासनसम्म पहुँच बनाएर नेपाली नागरिकताको प्रमाणपत्र लिने क्रम बढेको पाइएको छ ।

भारतीयले नेपाली नागरिकता लिने बढी जिल्लामा अन्य तराईका जिल्लालाई सुनसरीले उछिनेको छ ।

भारतीय आतंककारी गतिविधिमा संलग्न निरञ्जन होजाईले सुनुरी धरानबाट ०६३ सालमा नेपाली नागरिकता प्रमाणपत्र लिएका थिए । उनले पहिलो संविधानसभा निर्वाचन अघि घुम्ती शिविरमार्फत वंशजका आधारमा नागरिकता लिएका हुन् ।

प्रहरीले उनलाई नागरिकता दिन सिफरिस गर्ने तत्कालीन समयका माटो परीक्षण प्रयोगशाला झुम्का सुनसरकिा प्रमुख अभिकृत नुनुलाल उरावलाई धरौटीमा छाड्यो ।

पहिलो संविधानसभा निर्वाचनअघि घुम्ती शिविरमार्फत पश्चिम कुसाहाबाट नागरिकता लिने मजलम मन्सुरीको अनुसन्धान भइरहेको छ ।

भारतीय नागरिक उनले झुटो विवरण पेश गरेर नागरिकता लिएको आरोपमा अनुसन्धान जारी छ ।

मधेस आन्दोलन चर्किएका बेला र भोटको आशामा राजनीतिक दलले समेत भूमिका खेल्दा थुप्रै भारतीय नागरिकले बंशजका आधारमा सुनसरीबाट नागरिकता लिएको पाइएको आजको नागरिक दैनिकमा समाचार छ ।

यसरी भारतीयले नागरिकता पाउँदा सहयोग गर्नेमा अधिकाशं तराई केन्द्रित राजनीति गर्दै आएका दल र तीनका स्थानिय नेता र कार्यकर्ता रहेको ठानिएको छ ।

घुम्ती शिविरमार्फत सुनसरीबाट नागरिकता लिने भारतीयको संख्या ठूलो छ । शिविर सञ्चालन गर्नुभन्दा अघि र पछि पनि यहाँबाट थुप्रै भारतीयले नागरिकता लिएको भेटिएको छ ।