मकवानपुर कार दुर्घटनामा दाजु बहिनिको मृत्यु, तीन जना चिन्ताजनक

Posted on: November 19, 2016 | views: 737

३ मंसिर, मकवानपुर ।

मकवानुपरको भीमफेदी–२ जुरीखेतमा आज बिहान भएको कार दुर्घटनामा परी मृत्यु हुनेको सनाखत भएको छ ।

काठमाडौंबाट हेटौंडातर्फ जाँदै गरेको बा ३ च ९२८९ नं. कार दुर्घटनामा कारमा सवार पाँच जनामध्ये काठमाडौंका ५० वर्षीय सरद वैद्य र ४० वर्षीय अनुजा श्रेष्ठको घटनास्थलमै मृत्यु भएको इप्रका भमिफेदीले जनाएको छ । मृतकहरु दाजु बहिनी रहेको बताइएको छ ।

दुर्घटनामा परी घाइते भएका ३ जनाको अस्पतालमा उपचार भइरहेको छ ।

उता, कपिलवस्तु बुङ्चीमा आज बिहान करिब ३ बजे बस र एम्बुलेन्स ठोक्किँदा दुई जनाको मृत्यु भएको छ ।

मृत्यु हुनेमा एमबुलेन्समा सवार कञ्चनपुर बाइस विजुवाका ५५ वर्षीय सुब्बा राना र ६० वर्षीय मदिया राना रहेको इलाका प्रहरी कार्यालय पिपराका प्रहरी निरीषक विष्णुप्रसाद पोखरेलले बताउनुभयो ।

दुर्घटनामा ६ जना घाइते भएका छन् ।