आज हरिबोधनी अर्थात ठूलो एकादशी

Posted on: November 11, 2016 | views: 468

२६ कार्तिक, काठमाडौं ।
हिन्दु धर्मालम्बीहरु आज तुलसी र विष्णु भगवानलाई पूजा आराधना गर्दै आज अरिबोधनी तर्थात् ठूलो एकादशी पर्व मनाउँदैछन् ।

आज बिहानै नदी, तलाउ, धारा र कुवामा गई चोखो पानीले नुहाइ ब्रत बसेका छन् । आज विहानैदेखि तुलसीको पूजा गरी तुलसीको बिवाह गरिदै छ ।

घरघरमा रहेका तुलसीका मठ सिंगारपटार गरी मठ छेउमा साल, बाँस वा उखु गाडेर तुलसीको विवाह गर्ने चलन रहि आएको छ ।
घरमा तुलसी नरोप्नेहरु समेत छिमेकी कहां गएर तुलसीको पुजा गर्ने गर्दछन् ।

अक्सिजन बढी दिने र सुगन्ध आउने बनस्पति हुनाले तुलसीलाई औषधीको रुपमा पनि प्रयोग गरिन्छ । तुलसी विभिन्न किरा लागेका विरुवाको लागि समेत औषधि हुनुका साथै यसको बैज्ञानिक महत्व समेत रहेको छ ।

ठूलो एकादशीको अवसरमा आज काठमाडौको बुढानिलकण्ठ मन्दिर परिसरमा भक्तजनहरुको ठूलो भीड लागेको छ ।

असार महिनामा पर्ने हरिशयनी एकादशीमा सुतेका भगवान विष्णु आज निद्राबाट ब्युझिने र संसार नियाल्ने धार्मिक किंवदन्ती रहि आएको छ ।

आज ब्रतालुहरु तीर्थमा नुहाई तरुल, सकरखण्ड तथा फलफूल मात्रै खाएरु बस्ने गर्छन् । खासगरी कालीगण्डकी किनारका तीर्थस्थलहरुमा स्नान गरी भगवान बिष्णुको अबतार मानिने शालिग्रामको पूजा गरेमा पूण्य मिल्ने धार्मिक बिश्वास छ ।

आद देशभरका विभिन्न नदि किनार तथा भगवना विष्णुको मन्दिरहरुमा ठूलो मेला र पूजा आराधनाहरु भइरहेको छ ।