न्यायाधीशमा पनि बारले माग्यो प्रतिशत

Posted on: November 07, 2016 | views: 228

२२ कार्तिक, काठमाडौं ।
दलका झण्डा झुण्ड्याएर बारको नेतृत्व लिने गरेका नेपाल बार एशोसिएसनका नेतृत्ववर्गले जनतालाई न्याय दिनुपर्ने न्यायपालिकाको न्यायधीशमा उनिहरुलाई ५० प्रतिशत दिन माग गरेका छन् ।

न्याय परिषद्को आजको बैठकमा न्यायाधीशको नियुक्तिका विषयमा छलफल हुँदा उनिहरुले यस्तो माग राखेका हुन् ।

बैठकमा न्यायाधीश नियुक्तिका विषयमा आवश्यक अध्ययन गर्ने विषयमा छलफल भएको न्याय परिषद्का सचिव कृष्ण गिरीले जानकारी दिए ।

प्रधानन्यायाधीश तथा परिषद्का अध्यक्ष सुशीला कार्की, कानुन, न्याय तथा संसदीय मामिलामन्त्री अजयशङ्कर नायक, सर्वोच्च अदालतका वरिष्ठतम न्यायाधीश वैद्यनाथ उपाध्याय र सदस्य रामप्रसाद सिटौला बैठकमा सहभागी थिए ।

न्यायाधीश नियुक्तिका विषयमा आजै नेपाल बार एसोसिएनले प्रधानन्यायाधीश कार्कीसँग भेटी ५० प्रतिशत बारको प्रतिनिधित्व हुनुपर्ने माग राखेको थियो ।