छठको लागि तराईमा पोखरी, नदी, ताल, जलासय बेहुली झै सजाईयो

Posted on: November 05, 2016 | views: 384

२० कार्तिक, बीरगंज ।
तराइबासिको महान पर्व छठ पर्बका अवसरमा वीरगंज लगायत बारा, पर्सा, रौतहटमा रहेका नदि, ताल तथा पोखरी लगायत जलासयहरु बेहुलि झै सजाईएको छ । छठ पूजाका लागि मध्यतराईका जिल्लामा छठी घाटमा सरसफाई, सजावट र व्यवस्थापनका काम पुरा भएकोे छ ।

वीरगन्जको घडीअर्वा पोखरी, स्वीमीङ पुल परिसर, रानीघाट, छपकैया, नगवा, मुर्ली, पिपरा गरि दुई दर्जन स्थानमा छठघाट बनाइएको छ । यस्तै पर्साको ग्रामीण क्षेत्रका रामगढवा, पोखरीया, बहुअरी, भिस्वा, लंगडी, सेढवा, धोरे, अलौं, विन्दवासीनी लगायतका गाँउमा रहेका पोखरी, तलाउ र नदी छेउमा पनि छठघाटको सजावटको काम सम्पन्न भएको छ ।

यसैबीच सशस्त्र प्रहरी बलले आज बिहान घडीअर्वा पोखरी परिसरको सरसफाई गरेको छ । शसस्त्र प्रहरी नायव उपरिक्षक शुसिल पराजुली, शसस्त्र प्रहरी निरिक्षक हरी केशीको नेतृत्वतमा रहेको टोलीले पोखरी परिसर सरसफाई गरेको हो ।   
यसैबीच वीरगंज १८ लक्ष्मणवामा छठपुजाको सम्पुर्ण तयारी पुरा भएको पुजा व्यवस्थापन समितीले जनाएको छ । आज पत्रकार सम्मेलन गरि छठ पुजाको लागि छठ घाटमा टेन्ट लगाउने, बति लगाउने, झालर राख्ने, श्रीसोता रंगरोगन लगायत सम्पुर्ण काम पुरा भएको समितीका संरक्षक गजेन्द्र पटेलले बताउनुभयो ।

यस्तै पर्वको अवसरमा वीरगन्जको नगवामा बृहत सरसफाई गरिएको छ । नेपाली सेना, नेपाल प्रहरी लगायत स्थानियको सहयोगमा नगवा छठघाट वरपर सरसफाई गरिएको हो । नगवाको बाईपास स्थित मुल द्धार देखि बौद्धी माई पोखरी वरपर सम्म बृहत रुपमा सरफाई गरिएको हो । छठलाई भव्य बनाउन बाईपास चौकमा मुल द्धार निर्माण गरी पोखरीसम्म पण्डाल लगाई सजावतको काम तिव्र रुपमा भई रहेको छ । नगवा छठ घाट सजावट गर्नको लागि करिब ७ लाख भन्दा बढी रुपैया खर्च हुने गरेको छ ।

यसैगरी छठपर्वको अवसरमा इन्डो नेपाल चैम्बर अफ कर्मशले पर्साका दलित, विपन्न तथा एकल महिलाहरुलाई आज साडी बितरण गरेको छ । कर्मश अन्र्तगत संचालित कपडा बैंक रक्सौलको सहयोगमा सो १ हजार थान साडी बितरण गरिएको हो ।

यस्तै जन समुदायीक विकास केन्द्र भिखपुर र रुगटा वेलफेयर सोसाईटीले गरिव, दलितहरुलाई पुजा समाग्री वितरण गरेको छ ।