मुखर्जीको पोखरेलीले गरे आकाशमै कालो झण्डा देखाएर बिरोध

Posted on: November 04, 2016 | views: 507

१९ कार्तिक, पोखरा ।
भारतीय राष्ट्रपति प्रणव मुखर्जीको बिरोधमा प्रदर्शन गर्न प्रहरीले रोकेपछि पोखरेली जनताले आकाशमै कालो झण्डा देखाएर बिरोध गरेका छन् ।

पोखरा बिमानस्थलमा ओर्लने क्रममा रहेका मुखर्जीलाई पोखरेलीहरुले नयाँ उपाय निकालेर बेलुनमा कालो कपडा बेरेर आकाशमै उडाएर बिरोध जनाएका हुन् ।

जमिन क्षेत्रमा सुरक्षा व्यवस्था कडा पारिएकाले बेलुनको सहारामा आकासमै कालो झण्डा उडाइएको यसका अभियन्ताहरुले बताएका छन् ।

यतिबेला पोखराको आकासमा करिब १५ वटा ठूला बेलुनमा कालो झण्डा उडिरहेको छ ।

यसअघि काठमाडौंका सडकमा मुखर्जी बिरुद्ध भारतीय हस्तक्षेप र अनावश्यक चासोको बिरोध सहित कालो झण्डा देखाउने क्रममा ग्रेटर नेपाल अभियन्ता सहित केही युवा पक्राउ परेपनि पोखरेली युवाहरुले नयाँ उपाय निकालेका हुन् ।

यसअघि पोखरेली जनताले मुखर्जीको स्वागतको लागि बनाएको स्वागतद्धार समेत भत्काइदिएका थिए ।