भारतका राष्ट्रपति प्रणव मुखर्जी शुक्रबार जनकपुर आउँदै

Posted on: November 03, 2016 | views: 345

१८ कार्तिक, जनकपुर ।
नेपालको राजकीय भ्रमणका क्रममा रहेका भारतीय राष्ट्रपति प्रणव मुखर्जी भोलि शुक्रबार जनकपुरको भ्रमणमा आउँदैछन् ।

काठमाण्डौंबाट विहान ११ बजे जनकपुर आउने भएका मुखर्जीले जानकी मन्दिरमा पुजाअर्चना गर्ने र त्यहाँ सरकारले आयोजना गरेको नागरिक अभिनन्दनमा पनि सहभागी हुने भएका छन् ।

राष्ट्रपति मुखर्जीको जनकपुर भ्रमणको सम्पूर्ण तयारी पुरा भएको जानकारी दिइएको छ ।

यसैगरी भारतीय राष्ट्रपति मुखर्जीले भोली गर्ने पोखरा भ्रमणको सम्पूर्ण तयारी पुरा भएको छ ।

राष्ट्रपति मुखर्जीको स्वागतका लागी पोखराका विभिन्न ९ स्थानमा स्वागतद्वार निर्माण गरिएको छ ।

पोखरा विमान स्थल देखी बिरौटा चोकस्थित होटल ग्राण्ड तथा रामबजार स्थित पेन्सन क्याम्पसम्म स्वागतद्वार र धोजापतका सहित विशेष सरसफाइका साथ सडकलाई आकर्षित तुल्याइएको छ ।

मुखर्जीको सवारी हुने मुख्य मार्गमा दुबै देशका राष्ट्रिय झण्डा सहित भरिएका पानीका घढा राखेर स्वागतको व्यवस्था मिलाइएको छ ।

जनकपुरबाट बुद्ध एयरको विमानबाट भोली दिउँसो पोखरा पुग्ने राष्ट्रपति मुखर्जीले पोखरा पेन्सन क्याम्पमा आयोजना गरिने भारतीय भुतपूर्व सैनिकलाई सम्बोधन गर्ने कार्यक्रम रहेको छ ।