पोखरामा 'प्रणव मुखर्जीको मुख च्यातेर' 'स्वागत छ पोखरामा' हटाइयो

Posted on: November 03, 2016 | views: 1227

१८ कार्तिक, पोखरा ।
भारतीय राष्ट्रपति प्रणव मुखर्जीको स्वागमा सरकारले बनाएको स्वागतद्धारा तोडफोड भएको छ ।

गएराति ति स्वागतद्धार पोखराका देशभक्त युवाहरुको समुहले तोडफोड गरेको हो । पोखरास्थित टपनेपालन्युजडटकमकर्मी तारा पौडेलका अनुसार एक समुहले आफुहरुले भत्काएको दाबी गरेपनि तत्काल परिचय नखुलाईदिन अनुरोध गरेको छ ।

भारतले गत बर्ष नेपालमाथि गरेको नाकाबन्दी र नेपालमाथिको हस्तक्षेपको बिरोधमा उनको पोखरा भ्रमणको बिरोध स्वरुप सरकारले बनाएको स्वागतद्धार भत्काएको उनिहरुले बताएका छन् ।

शुक्रबार हुने राष्ट्रपति मुखर्जीको पोखरा भ्रमणका क्रममा स्वागतका लागि इन्द्रचोक नजिकै बनाइएको स्वागत गेट तोडफोड गरिएको हो ।

स्वागत छ पोखरामा भनेर लेखिएको फ्लेक्स सँगै भारतीय राष्ट्रपति मुखर्जीको फोटो पनि च्यातिएको छ ।

तर प्रहरीले भने सामान्य च्यातिएको भन्दै तोडफोड भएको स्वागतद्धारमा प्रहरीले नयाँ तत्काल छाप्न लगाएर टालेको छ ।

Photo:onlinekhabar