प्रचण्डले 'लिपुलेक हाम्रो हो' नारा पनि मुर्खजीले देख्लान् भनेर मेट्न लगाए

Posted on: November 02, 2016 | views: 1480

१७ कार्तिक, काठमाडौं ।
नेपाली भूमि लिपुलेकमा भारत र चीनले व्यापार केन्द्र बनाउने सहमती गर्दा काठमाडौंमा उफ्रिउफ्रि नेपाली भूमिमा भारतीय हस्तक्षेपको नारा लगाएका प्रचण्डले भारतीय राष्ट्रपति आउँदा भने त्यस्तो नारा नै मेट्न लगाएका छन् ।

मुखर्जीको स्वागतमा भन्दै काठमाडौंका सडक भित्तामा लेखिएका नारा मेट्ने क्रममा महानगरपालिकाले नेपाली राष्ट्रियताको बारेमा लेखिएको नारा समेत मेटेको छ ।

काठमाडौं उपत्यकाका बिभिन्न स्थानमा नेपाली स्वाधिनताका पक्षमा स्वयं माओवादीले नै विभिन्न समयमा लेखेको नारा मेट्न लगाएको छ ।

यतिसम्म की नेपाली भूमि लिपुलेकको पक्षमा लेखिएको नारासमेत काठमाडौं महानगरपालिकाका कर्मचारीहरुले मेटेका छन् ।

काठमाडौं महानगरपालिका वातावरण व्यवस्थापन विभागले फोहर मैला निरीक्षण तथा अनुगमन टोली नै गठन गरेर कर्मचारीहरु खटाएर नेपाली राष्टियता र स्वाधिनताको बारेमा लेखेको नाराहरु मेट्न लगाएको छ ।

यसैक्रममा मुखर्जीको स्वागतमा बुद्धनगर, रत्नपाक, भृकुटीमण्डप लगायतका क्षेत्रमा लेखिएका त्यस्ता नाराहरुमाथि रंग दलेर नारा छोपिएको छ ।