सार्वजनिक विदाको बिरोध, सामाजिक सञ्जालमा ह्यास् ट्याग र कालो फोटो

Posted on: November 02, 2016 | views: 476

१७ कार्तिक, काठमाडौं ।

भारतीय राष्ट्रपति प्रणव मुखर्जीको नेपाल भ्रमण सुरुहुने दिन आज दिइएको सार्वजनिक बिदाको चर्को बिरोध सुरु भएको छ ।

प्रधानमन्त्रीको प्रस्तावमा मन्त्रीपरिषदले सार्वजनिक बिदाको घोषणा गर्न नपाउँदै सुरु भएको बिरोध आज भारतीय राष्ट्रपति नेपाल आउने भएपछि यसको बिरोध चर्कीएको हो ।

भारतीय राष्ट्रपति आउँदा नेपालले लिनसक्ने लाभ भन्दा खुसी पार्न सार्वजनिक बिदा र काठमाडौं तथा प्रणव मुखर्जी जाने ठाउँमा स्वागत द्ध्वार र सत्कारमा ध्यान दिइरहेको भन्दै प्रचण्ड सरकारको बौद्धिक जगतबाट पनी आलोचना र बिरोध भइरहेको छ ।

भारतीय राष्ट्रपतिको तीन दिने भ्रमणका क्रममा गत बर्ष नेपालमाथि भारतले लगाएको नाकाबन्दीको चर्को बिरोध सामाजिक सञ्जालहरुमा भइराखेको छ भने सामाजिक सञ्जाल फेसबुक र ट्विटरमा ह्यासट्याग #India_StopBullyingNeighbours गरेर भारतले नेपालमाथि गरिराखेको हेपाहा प्रवृत्ति र हस्तक्षेपको समेत बिरोध चर्कीएको छ ।


फेसबुक तथा ट्विटर प्रयोग कर्ताहरुले भारतले गरिराखेको राजनीतिक दबाव, भारतीय राष्ट्रपतिको अर्थहिन नेपाल भ्रमण, चीनका राष्ट्रपतिको भ्रमण स्थगित गराएको प्रचण्ड सरकारको रबैया जस्ता कुरालाई लेखिरहेका छन्

अठार वर्षपछि भारतीय राष्ट्रपतिको नेपाल भ्रमण हुन लागेपनि छिमेकी देशको राष्ट्रपति आउँदा यति चर्को बिरोध भइरहेकोमा भारतले नेपालमाथि लिएको हेपाहा र हस्तक्षेपकारी भूमिका कारण देखिएको छ ।

नेपालमा यसअघि भारतीय राष्ट्रपति केआर नारायणनले विसं २०५५ जेठ १४ गते भ्रमण गरेका थिए ।