मिथिलाञ्चलमा भातृद्वितीया पर्व मनाईदै

Posted on: November 01, 2016 | views: 351

१६ कार्तिक, काठमाडौं ।

दाजूभाई– दिदी बहिनी बीचको आपसी स्नेह, भातृत्व तथा सु–स्वास्थ्य, सुख, शान्ति, समृद्धिका साथै दीर्घ जीवनको कामना सहित मिथिलाञ्चल सहित तराई मधेशमा भ्रातृ द्वितीया पर्व धुमधामका साथ आज सम्पन्न भएको छ ।

घर आङ्गनमा चावलको लेदोले अरिपन दिएर काठको पीढा राखी चावलकै पीठारको टिका, सिन्दुरको टिका लगाई दिएर दीदि बहिनीले दाजू भाईको हातमा चावलको लेदो लगाएर सिन्दुरको टिका लगाएर पान, सुपारी, मखान, केराउँ, कुमराको फूल राखेर धानको वालाले तीन पटक मन्त्र सहित पूजा गर्ने चलन रहेको छ ।

साथै दीदि बहिनीले दाजूभाई मिष्ठान्न सहितको परिकारहरु खुवाउने गर्दछन् भने दाजूभाईले पनि आफ्नो गच्छ अनुसारको उपहार दिने चलन पनि रहेको छ ।