बार अध्यक्ष भन्छन्-'महाअभियोग प्रस्ताव फेल भए सरकार ढल्छ'

Posted on: October 29, 2016 | views: 359

१३ कार्तिक, दाङ ।
नेपाल बार एशोसियसनका केन्द्रीय अध्यक्ष शेरबहादुर केसीले अख्तियार प्रमुख लोकमानसिंह कार्की विरुद्धको महाअभियोग प्रस्ताव असफल भए पुष्पकमल दाहाल नेतृत्वको सरकार ढल्ने बताएका छन् ।

दाङमा आयोजित पत्रकार भेटघाटमा केसीले महाअभियोग प्रस्ताव फेल भए वर्तमान सरकारलाई नैतिकत संकट पर्ने भन्दै सरकार परिवर्तन हुने बताएका हुन् ।

दलहरुले ल्याएको महाअभियोग प्रस्ताव दूई तिहाई बहुमतले पारित हुनुपर्ने संवैधानिक प्रावधान रहेको बताउँदै केसीले प्रस्ताव फेल भए नैतिकताको आधारमा प्रधानमन्त्रीले राजीनामा दिने परिस्थिति आउने बताए ।

नेपाल बारले महाअभियोग प्रकरण लाई इमान्दारीताका साथ हेरिरहेको भन्दै कार्की कार्यक्षमतामा असक्षम भएर महाअभियोग ल्याईएको हो भने उचित भएको बारको धारणा बताए ।

केसीले महाअभियोग प्रस्ताव संसदले हेर्ने प्रक्रिया भएको भन्दै यसमै अल्भिmएर संविधान कार्यान्वयन गर्ने प्रक्रियालाई अवरुद्ध नगर्न दलहरुलाई सुझाव दिए ।

केसीले नेपाल बार एशोसियसन अख्तियारलाई वलियो बनाउनु पर्ने पक्षमा रहेको भन्दै सरकार र सेनालाई समेत अख्तियारले हेर्न सक्ने ब्यवस्था गर्नुपर्ने उल्लेख गरे ।