नेपाल दक्षिण एसियामै राम्रो कानुनी राज्य भएको देश, डेनमार्क विश्वमै पहिलो

Posted on: October 24, 2016 | views: 489

८ कार्तिक, काठमाडौं ।
नेपालमा कानुनी दण्डहिनता बढिरहेको बताइँदै गर्दा नेपाल दक्षिण एशियामै सबैभन्दा राम्रो कानुनी राज्यमा देखिएको छ ।

यहाँ सम्मकी नेपालले नेपालमाथि राजनीतिक हस्तक्षेप र दवाव दिंदै आएको भारतलाई समेत तीन स्थान पछि पारेको छ ।

नेपाल विश्वका ११३ देशको सूचीमा ६३ औं स्थानमा पर्दा भारत ६६ औं स्थानमा परेको छ ।

वर्ल्ड जस्टिस प्रोजेक्टले रुल अफ ल इन्डेक्स २०१६ सार्वजनिक गरेको रिपोर्टमा श्रीलंका ६८, बंगलादेश १०३ र पाकिस्तान १०६ औं स्थानमा रहेको छ ।

पाकिस्तान भने अफगानिस्तान, इथियोपिया, जिम्बाब्बे, क्यामरुन, इजिप्ट, कोलम्बिया र भेनेजुयलाभन्दा माथि मात्र देखिएको छ ।

विश्वभरमा सबैभन्दा राम्रो कानुनी राज्य भएको देश भने डेनमार्क बनेको छ भने नर्वे दोस्रो स्थानमा परेको छ । तेस्रो स्थानमा फिनल्याण्ड रहेको छ ।

विश्वभर कानुन र मानवअधिकार सिकाउँदै हिँड्ने बेलायत र अमेरिका भने क्रमश १० र १८ औं नम्वरमा परेका छन् ।