दशैंमा बौद्ध धर्मावलम्बीले गरे विश्व शान्ति पुजा

Posted on: October 16, 2016 | views: 307

३० असोज, सोलुखुम्बु ।
दशैँ पर्वसँगै बौद्ध धर्मावलम्बीहरुले विश्व शान्तिका लागि पुजा सम्पन्न गरेका छन् ।

हिन्दुहरुले मनाउने दशैँको शुरुवातसँगै बौद्धधर्मावलम्बीहरुले बिभिन्न गुम्बाहरुमा छोमे बाली मन्त्र जपका साथ विश्व शान्तिको कामना गर्र्दै ङ्युङने पुजा सम्पन्न गरेका हुन् ।

शेर्पाहरुको मुल थलो मानिने सोलखुम्बुका बिभिन्न गुम्बाहरुमा पाठपुजा गरेको लामाहरुले जनाएका छन् ।

फुलपातिको दिनदेखिनै बिभिन्न गुम्बाहरुमा लामा भिक्षुभिक्षुणी तथा अन्य भक्तजनहरुले पाठपुजा गर्ने गर्दछन् ।

दशँैमा धेरै निर्दोष प्राण्ीाको हत्या हुने भएकोले निर्दोष प्राणीको आत्माको शान्तिको कामनाका लागि समेत यो पुजा गर्ने गरेको अग्रजहरुको भनाइ छ ।

सदरमुकाम सल्लेरीमा रहेको थेक्चेन पेमा छोलिङ गुम्बामा पनि फुलपातीदेखि बिभिन्न पाठपुजा गरी ङ्युङने गरिएको थियो । ङ्युङने पुजामा गुोम्पाका लामा र अन्य भक्तजन सरिक भएका थिए ।

बौद्ध धर्मअनुसार पानी समेत नपिई गर्ने ङ्युङनेमा अरुसगँ बोल्न नहुने, झारपात उखेल्न नहुने, किराफट्याङ्ग्रा मार्न नहने, कुनै पनि सजिब बस्तुलाई दुःख नदिई मन्त्र जप गरी छोमे बाली, सेवा गर्ने माने तथा गुम्बाको परिक्रमा गर्ने चलन रही आएको छ ।