राष्ट्रपतिले हनुमानढोकाका मूल पुजारीबाट दशैं टिका लगाइन्

Posted on: October 11, 2016 | views: 292

२५ असोज, काठमाडौं ।
राष्ट्रपति विद्यादेवी भण्डारीले बडा दशैंको टिका शुभ साईटमा ८ ४५ बजे हनुमानढोका दसैँघरका मूल पुजारीबाट लगाएकी छिन् ।

राष्ट्रपति भवन शीतल निवासमा मूल पुजारी देवराज अर्यालले विजयादशमीको टीका राष्ट्रपतिलाई लगाइदिएका हुन् ।

राष्ट्रपतिलाई उनले शास्त्रोक्त विधिपूर्वक अभिषेक गर्दै जमरा र नवदुर्गाको प्रसाद प्रदान गरेका थिए । सो अवसरमा राष्ट्रपतिका पुरोहित पण्डित खेमचन्द्र ढकालको पनि उपस्थिति रहेको थियो ।

सोही अवसरमा राष्ट्रपति भण्डारीलाई उनका काका काकी खगेन्द्र पाण्डे र ज्ञानु पाण्डे तथा जयन्त पाण्डे र सावित्री पाण्डेले पनि टीका लगादिएका थिए ।
राष्ट्रपति भण्डारीले भने छोरी उषाकिरणलाई टीका लगाइदिएकी थिइन् ।

साथै, सोही अवसरमा राष्ट्रपतिले पनि आफ्ना परिवारका अन्य सदस्य तथा आफन्तहरुलाई टीका लगाइदिइन् ।

राष्ट्रपति कार्यालयका अनुसार सर्वसाधारणले राष्ट्रपतिको हातबाट टिका लगाउन चाहे २ बजेपछि शितल निवास जान सक्नेछन् ।