मुसलमान समुदायबाट दसैँको शुभकामना

Posted on: October 10, 2016 | views: 369

२४ असोज, नवलपरासी ।
नवलपरासीमा मुसलमान समुदायले दसैँका अवसरमा शुभकामना आदानप्रदान गरेको छ ।

नवलपरासी स्थित कावासोती कोइलापानीमा बस्ने समुदायले पिस सेन्टर नेपाल तथा कोइलापानी मुस्लिम समाजको आयोजनामा भएको कार्यक्रममा बडादसैँ, तिहार र छठका अवसरमा शुभकामना आदानप्रदान गरेको हो ।

त्यस अवसरमा विश्व हिन्दू महासङ्घका केन्द्रीय सदस्य नन्दप्रसाद अर्यालले मुसलमान समुदायले समेत दसैँमा देखाएको चासोप्रति खुसी व्यक्त गर्दै यसबाट सामाजिक सद्भाव कायम गर्न सहयोग पुग्ने बताउनुभयो ।