दशैंका यात्रुले खचाखच बस जुध्दा कम्तिमा ६५ यात्रु घाइते, २५ गम्भिर

Posted on: October 09, 2016 | views: 386

२३ असोज, हेटौँडा ।
बडा दशैंमा घरतर्फ जाँदै गरेका यात्रुहरु बोकेको बस एक आपसमा ठोक्किदा हेटौडामा कम्तिमा ६५ यात्रु घाइते भएका छन् ।

प्रहरीका अनुसार काठमाडौँबाट सर्लाहीतर्फ गइरहेको ना ५ ख ४०९६ नम्बरको यात्रुबाहक बस र विराटनगरबाट नेपालगन्जतर्फ गइरहेको ना ४ ख ४३४३ नम्बरको बस एक आपसमा ठोक्किएको हो ।

आज बिहान ४ः४५ बजे हेटौँडा नारायणगन्ज सडकखण्डको रमनटारमा एकापसमा ठोक्किदा दुवै बसमा रहेका यतिधेरै यात्रु घाइते भएका हुन् ।

प्रहरीका अनुसार बस दुर्घटनामा २५ जना गम्भीर घाइते भएका छन् । उनिहरुको भरतपुरस्थित पुरानो मेडिकल अस्पतालमा उपचार भइरहेको छ ।

सामान्य घाइते २० जनाको मनहरिस्थित प्राथमिक उपचार केन्द्रमा उपचार गभइरहेको छ ।

सामान्य चोटपटक लागेका यात्रुहरुभने उपचार पछि आ–आफ्नो गन्तव्यतर्फ लागेका छन् ।