त्रिशुलीमा पूर्वमन्त्री घिमिरेका भाईको शव भेटियो, घिमिरेको पत्तो लागेन

Posted on: October 08, 2016 | views: 677

२२ असोज, नारायणगढ ।
असोज ९ गते त्रिशुली नदिमा गाडी सहित खसेर बेपत्ता भएका पूर्व गृहमन्त्री माधव प्रसाद घिमिरेको भाइको शव भेटिएको छ । बेपत्ता भएका घिमिरेसँगै उनको अर्का भाईको भने अझै पत्तो लाग्न सकेको छैन ।

घिमिरे चितवनको दारेचोकस्थित घोप्टेभीरमा जीप दुर्घटना भई त्रिशुलीमा खसेर बेपत्ता भएका छन् । भेटिएकामा पूर्व गृहमन्त्री माधवप्रसाद घिमिरेका भाई मोहन घिमिरेको शव भएको प्रहरील जानकारी दिएको छ ।

घटनास्थलबाट करिव ३० किलोमिटर तल तनहु जिल्लाको देवघाट ४ बगई भन्ने स्थानमा शनिवार बिहान मोहन घिमिरेको शव भेटिएको हो ।

शवसँगै भेटिएको पर्स र लाइसेन्सका आधारमा उनको सनाखत गरिएको प्रहरीले जानकारी दिएको छ ।

असोज ९ गते पूर्वमन्त्री घिमिरे सवार गाडी घोप्टेभीरबाट त्रिसुली नदीमा खस्दा घिमिरेसहित उनका दुई भाई र आमा बेपत्ता भएका थिए ।

एकहप्तासम्म गोताखोर लगाएर खोजि गर्दापनि शव नभेटिएपछि घिमिरेका परिवारजनले बेपत्ता सबैको कुशवको शव बनाएर दाह संस्कार गरिसकेका छन् ।