तटस्थता तोड्दै नेपालले लियो भारतको पक्ष (विज्ञप्ती सहित)

Posted on: October 02, 2016 | views: 862

काठमाडौं,असोज १६ । भारतको काश्मिर प्रशासित उरीमा भएको आतंकवादी हमलाबारे नेपाल सरकारले औपचारिक प्रतिक्रिया सार्वजनिक गरेको छ ।भारत—पाकिस्तानबीच चुलिँदै गएको विवादमा नेपालले तटस्थता तोड्दै भारतको पक्षमा उभिएको हो । आइतवार एक विज्ञप्ती जारी गर्दै परराष्ट्र मन्त्रालयले २२ दिन अगाडि कास्मिरमा भएको आक्रमणमा भारतीय सैनिक मारिएको घटनाको पनि निन्दा गरेको छ। सो घटनामा १८ भारतीय सेनाको मृत्यु भएको थियो। अघिल्लो साता भारतीय सेनाको आक्रमणबाट दुई पाकिस्तानी सेना मारिएका थिए। सो विषयमा विज्ञप्तिमा केही पनि उल्लेख छैन। परम्परागत दुस्मन भारतले पाकिस्तानमाथि आतंकवादलाई संरक्षण दिएको आरोप लगाउँदै आएको छ।

57f1198a7ee57
परराष्ट्रको विज्ञप्तिको शीर्षक नै ‘१९ औं सार्क समिट स्थगनबारे’ भन्ने उल्लेख छ । जसमा भनिएको छ- ‘नोभेम्बर ९ र १० मा इस्लामावादमा आयोजना गरिएको १९ औं सार्क शिखर सम्मेलनका लागि क्षेत्रीय वातावरण निर्माण हुन नसकेकोमा नेपाल खेद प्रकट गर्दछ ।’

वक्तव्यमा अर्थपूर्ण क्षेत्रीय सहकार्यका लागि शान्ति र स्थायीत्व अनिवार्य भएको नेपालले बताएको छ । साथै यसका लासगि वातावरण बन्ने र सबै सार्क राष्ट्रको सहभागितामा १९ औं शिखर सम्मेलन आयोजना गर्न नेपालले पहल गर्ने वक्तव्यमा उल्लेख छ ।