लिलामणि पौडलमा सबैको समर्थन, भारत भक्त आरोपमा फिर्ता राजदूत दिपकुमारको बिरोध

Posted on: September 30, 2016 | views: 150

१४ असोज, काठमाडौं ।
मुख्य सचिवबाट अवकास पाएका स्वच्छ छवि भएका सरकारी कर्मचारीमा गनिने लिलामणि पौडेललाई चिनको राजदूतमा प्रस्ताव गर्दा सबैको समर्थन जुटेको छ ।

प्रमुख विपक्षी दल नेकपा एमालेले संसदीय सुनुवाई विशेष समितिमा लिलामणिको नाममा कुनै बिरोध नभएको बताएपछि पौडेल सर्वसम्मत रुपमा चिनका लागि राजदूतमा नियुक्त हुने देखिएको छ ।

तर भारतका लागि राजदूत रहँदा काँग्रेस कोटाबाट राजदूत बनेका काँग्रेस नेता समेत रहेका दिपकुमार उपाध्यायको नाममा भने पुन बिरोध भएको छ ।

नेपाल सरकार भन्दा भारतप्रति बफादार बनेको भेटेपछि यसअघिको सरकारले फिर्ता बोलाइएका राजदूत उपाध्यायलाई पुन काँग्रेसले भारतकै लागि राजदूतमा प्रस्ताव गरेपछि सार्वजनिक रुपमा समेत उनको आलोचना र टिप्पणी भइरहेको छ ।

नेकपा एमालेले भारतका लागि प्रस्तावित राजदूत दीपकुमार उपाध्यायको विपक्षमा मत दिने बताएको छ ।

राप्रपा नेपाल समेत उपाध्यायको बिपक्षमा देखिएको छ भने भारत केन्द्रित रहेको आरोप खेप्दै आएका मधेशी दलहरुले भने उपाध्यायको पक्षमा मतदान गर्ने भएका छन् ।

समिति सभापति रहेका कुलबहादुर गुरुङ विरामी भएपछि आजको बैठक भने स्थगित गरिएको छ ।
आइतबार बस्ने ठानिएको बैठकमा रादूतहरुका बिषयमा निर्णय हुने ठानिएको छ ।