चन्दाको लागि बम पड्काएर आतंक मच्चाउने यि हुन तीन अभियुक्त

Posted on: September 20, 2016 | views: 689

४ असोज, काठमाडौं ।
विद्यालयमा बम पड्काउँदै र ढोका ढोकामा बम राखेर आतंक मच्चाउँदै हिँड्ने तीन अभियुक्तलाई पह्ररीले काठमाडौंबाट पक्राउ गरेको छ ।

विद्यार्थी नेताको बिल्ला भिर्दै चन्दा आतंक मच्चाउँदै हिँड्ने २५ वर्षिय हुम बहादुर खत्री, ३१ वर्षिय शंकर लाखे र २४ वर्षिय चन्द तामाङलाई प्रहरीले पक्राउ गरेको छ ।

उपत्यकाभित्र अहिले शान्ति सुरक्षा कायम गर्न सादा पोशाकमा प्रहरी परिचालन गरिएको र ढुक्क भएर बस्न सर्वसाधारणलाई नेपाल प्रहरीले आह्वान गरेको छ ।

आजै बिहान मात्र काठमाडौंका विभिन्न दुई बिद्यालयमा बम विस्फोट र अन्य ठाउँमा बम राखेको पाइएपछि अनुसन्धानका क्रममा प्रहरीले उनिहरुलाई पक्रेको हो ।

काठमाडौं उपत्यकाका विभिन्न स्कूलहरूमा राखिएको शंकास्पद वस्तुबारे प्रहरीले शुक्ष्म अध्ययन गरिरहेको बताएको छ ।

प्रहरीका अनुसार आज ललितपुरको रेडियन्ट स्कूल, काडमाडौंको डल्लुस्थित कञ्चनजंगा, स्कूल, बौद्धस्थित राई स्कूल, आकाशीदप स्कूल, इस्टपोल स्कूल र दक्षिणढोकास्थित मनोकामना स्कूलमा बम राखिएको थियो ।

मनोकामना र आकाशदीप स्कूलमा भने बम विस्फोट भएको थियो । मनोकामना स्कूलमा बिहान केही पड्किएको आवाज सुनिएको छिमेकी स्थानीयले बताएका छन् ।

विस्फोट गरिएको स्थानमा योङ कम्युनिस्ट फोर्स नेपालको पर्चा भेटिएको थियो ।

पैसाको लागि काठमाडौंका बिद्यालयहरुमा बम आतंक, दुई ठाउँमा विस्फोट