धार्मिक मुडभेड खोज्दै क्रिश्चियनले दशैं तिहारको बिरोध सहित धर्म प्रचार घोषणा गरे

Posted on: September 09, 2016 | views: 1015

२४ भदौ, काठमाडौं ।
नेपालका क्रिश्चियन धर्मगुरुहरुले हिन्दु धर्म र नेपालीहरुको महान् चाड दशैंको बिरोध गर्दै दशैंभर प्रचारात्मक कार्यक्रमको घोषणा गरेका छन् ।

नेपालमा रहेका अवैध आइएनजिओहरुले गरिरहेको धर्म प्रचारलाई अनुमति दिनुपर्ने माग समेत गर्दै उनिहरुले क्रिश्चियनहरुलाई राज्यका सबै निकायमा समानुपातिक समावेशी प्रतिनिधित्वको समेत माग गरेका छन् ।

राष्ट्रिय ख्रिष्टियन महासंघले क्रिश्चियनहरुको समानुपातिक प्रतिनिधित्व संविधान र कानुनमै सुनिश्चित हुनुपर्ने माग समेत राखेका छन् ।

काठमाडौंमा दुईसम्म चलेको भेलाले क्रिश्चियन धर्म प्रचारमा अवरोध नगर्न सरकारलाई चेतावनी दिएको छ ।

क्रिश्चियन समदुायद्वारा सञ्चालित बालगृहहरुलाई धर्म प्रचारको नाममा झूठा मुद्दा लगाउने र धरपकड गर्ने काम भइरहेको भन्दै त्यस्ता धर्म प्रचार बालगृह चलाउन पाउनुपर्ने समेत उनिहरुले माग राखेका छन् ।

महासंघले क्रिसमसमा क्रिश्चियनलाई मात्रै सार्वजनिक बिदा दिने निर्णयको विरोध गर्दै हिन्दुहरुलाई पनि बिदा दिनुपर्ने माग समेत राखेको छ ।
त्यस्तै क्रश्चियन समुदायको पर्व इष्टर सण्डेलाई पनि राष्ट्रिय पर्व घोषणा गरि सार्वजनिक बिदा दिनुपर्ने उनिहरुको माग छ ।

चर्चहरुलाई स्वतन्त्र गुठीका रुपमा व्यवस्था गरी राष्ट्रिय ख्रिष्टियन आयोग गठन गर्न समेत भनेका क्रिश्चियनहरुले सरकारी ढुकुटीबाट क्रिश्चिय धर्म प्रचार र चर्चलाई पैसा दिनुपर्ने समेत माग गरेका छन् ।

रोचक तर धार्मिक भड्काउ गर्ने खालको निर्णय त के भने ख्रिष्टियन महासंघले भदौ २६ गते देशभरका मण्डलीहरुमा प्रार्थना गर्ने तथा असोज ३ गते वृहत प्रार्थना सभागर्ने कार्यक्रम घोषणा गरेको छ ।

असोज ४ गते सबै जिल्ला प्रशासनहरु मार्फत प्रधानमन्त्री र गृहमन्त्रीलाई ज्ञापनपत्र बुझाउने बताएका उनीहरुले हिन्दूहरुले दशैं तिहार मनाइरहेका बेला असोज ४ देखि मंसिर १ गतेसम्म देशभर बिभिन्न प्रचारात्मक आन्दोलन र हस्ताक्षर अभियान सन्चालन गर्ने भन्दै करिव ९० प्रतिशत हिन्दु धर्मावलम्बि रहेको देशमा धार्मिक भड्काउ र उत्तेजना फैलाउनेगरि धर्म प्रचार सहित हिन्दु धर्म र महान चाड दशैं तिहारको सांकेतिक बिरोध सहित सभा गर्ने भएका छन् ।