४ बर्षिया बालिका बलात्कार गर्न खोज्नेलाई ५ बर्ष जेल

Posted on: September 06, 2016 | views: 378

२१ भदौ, उदयपुर ।
४ बर्षीया बालिका बलात्कारको प्रयास गरेको आरोपमा पुर्पक्षका लागि थुनामा रहेका उदयपुरको खाँबु गाबिसका ४८ बर्षीय विरबहादुर मगरलाई जिल्ला अदालतले ५ बर्ष कैद फैसला सुनाएको छ ।

जिल्ला न्यायाधिश राजकुमार कोईरालाको इजालासले सोमबार मगरलाई कैद फैसला सुनाएको हो ।

मगरले ०७१ चैत्र १६ गते घरमा खेलीरहेकी बालिकालाई बलात्कारको प्रयास गर्नुभएको थियो ।

उहाँविरुद्ध पीडित परिवारले चैत्र १७ गते जिल्ला प्रहरी कार्यालयमा निवेदन दिएका थिए ।

पीडितको सोही दिन जिल्ला अस्पतालमा स्वास्थ्य जाँच गरिएको थियो ।

चैत्र १७ गते पक्राउ  परेका मगरलाई अदालतले ०७२ बैशाख १० गते पुर्पक्षका लागि थुनामा राख्ने आदेश दिएको थियो ।