अपहरणकारी पूर्व आपूर्तिमन्त्री फेरि पक्राउ

Posted on: September 05, 2016 | views: 361

२० भदौ, काठमाडौं ।
अपहरण गरेर रकम असुलीमा जेल परेर छुटेका मधेश केन्द्रित नेता तथा पूर्व मन्त्री श्यामसुन्दर गुप्तालाई फेरी प्रहरीले पक्राउ गरेको छ ।

प्रहरीले जबरजस्ती रकम असुलीको आरोपमा पूर्व आपूर्तिमन्त्री गुप्तालाई ललितपुरबाट पक्राउ गरेको हो ।

पक्राउ परेका गुप्तालाई म्याद थप गरेर हिरासतमा राखिएको ललितपुर प्रहरी प्रमुख एसएसपी पिताम्बर अधिकारीले जानकारी दिएका छन् ।

उनी यो भन्दा पहिले पनि व्यापारी पवन सांघाई अपहरण अभियोगमा पक्राउ परेर ३ वर्ष जेल बसेर छुटेका थिए ।

गत वर्ष साउन २ गते छुटेका गुप्ता पहिलो संविधानसभामा सभासद रहका थिए ।