भारत भक्त निधिले भने-'भारतमा फास्ट ट्रयाकको 'फ' पनि उच्चारण गरिन'

Posted on: September 04, 2016 | views: 425

१९ भदौ, काठमाडौं ।
देशलाई अर्बौं रुपैयाँ घाटा हुने र त्यसको सिधा नाफा भारतलाई हुने र यसको मार देशले दशौं बर्षसम्म खेप्नुपर्ने फास्ट ट्रयाक भारतलाईनै दिनुपर्ने भन्दै मरिमेटेर लागि परिरहेका सरकारका उपप्रधानमन्त्री रहेका बिमलेन्द्र निधिले आफुले भारत भ्रमणमा फास्ट ट्रयाकको फ समेत उच्चारण नगरको बताएका छन् ।

शुक्रबार मात्र एक कार्यक्रममा फास्ट ट्रयाक भारतलाई नै दिनुपर्ने भन्दै यसमा सरकार अडिग रहेको बताएका निधिले शनिवार काठमाडौंमा भएका एक साक्षात्कारमा भने यस्तो बताएका छन् ।
उपप्रधानमन्त्री एवं गृहमन्त्री रहेका निधिले अर्को एक प्रशंगमा सहजतापूर्वक कार्यान्वयनका लागि संविधान संशोधन गर्न लागिएको जिकिर गरेका छन् ।

हाल कस्तो असहज र शंसोधन चाहिएको केही नबताएका निधिले आफ्नो भारत भ्रमणमा प्रधानमन्त्रीको भारत भ्रमण अनि संविधान भारतले चाहे अनुसार संशोधन गर्ने सहमती गरेको आम बुझाइ रहिआएको छ ।

शनिवार राजधानीमा सञ्चारकर्मीसितको छलफलमा उपप्रधानमन्त्री निधिले संविधान संशोधनका विषयमा सबै राजनीतिक दलका शीर्ष नेतृत्वमा गहनरूपमा कुराकानी भइराखेको र छिट्टै निकास निस्कनेसमेत तर्क गरे ।

उपप्रधानमन्त्री निधिले चीन र भारतका राष्ट्रपति एवं प्रधानमन्त्रीले छिट्टै नेपाल भ्रमण गर्ने समेत बनाए ।