हिन्दु महिलाहरु हरितालिका तीजपर्व मनाउदै, राष्ट्रपति देखी नेताहरुको शुभकामना

Posted on: September 04, 2016 | views: 428

१९ भदौ, काठमाडौं ।
आज नेपाली हिन्दु महिलाहरु परम्परागत हरितालिका तीजपर्व मनाउदै छन् । हिमालयकी पुत्री पार्वतीले महादेव पति पाउनका लागि कठोर ब्रत गरी आफ्नो कामना पुरा गरेको धार्मिक कथन अनुसार यो पर्व मनाइदै आएको मानिन्छ ।

पानीसमेत नखाई विवाहित महिलाहरु शिवको पुजा आराधना गर्दैै आफ्नो पतिको दीर्घायू, सुस्वास्थ्यको कामना गरी वस्दछने भने अविवाहित महिलाहरु सुयोग्य तथा आदर्श पति प्राप्त गर्ने कामनाका साथ ब्रत वस्ने गर्दछन् ।

यस अवसरमा महिलाहरु विभिन्न तीर्थस्थल, मन्दिर तथा देवालयमा गई शिव पार्वतीको पूजा उपसना गरेर तीजसम्वन्धी गीत, भजन र चुट्का गायर यो पर्व मनाउने परम्वरागत सनातन हिन्दु संस्कृतिमा रहिआएको छ ।
 
आज विहानैदेखि महिलाहरु सौभाग्यसुचक धागो, पोते, टीका, गरगहना र रङ्गीचङ्गी कपडा पहिरेर आराध्यदेव पशुपतिनाथ लगायत विभिन्न शिवमन्दिरहरुमा भेला भएका छन् ।

राष्ट्रपति विद्यादेवी भण्डारीले नेपाली नारीहरुको महानपर्व तीजको अवसरमा स्वदेश तथा विदेशमा रहनु भएका सम्पूर्ण नेपाली दिदीवहिनीहरुमा सुख शान्ति, समृद्धि, आपसी एकता र पारिवारिक सदभाव कायम होस भनी शुभकामना व्यक्त गर्नु भएको छ ।

शुभकामना सन्देशमा राष्ट्रपति भण्डारीले वहुजाति, वहुभाषा, वहुसंस्कृतीले युक्त हाम्रो मुलुकमा यस्ता पर्वले सवै नेपालीलाई एकताको सुत्रमा वाधी सद्भाव कायम गर्न सशयोग पु¥याएको उल्लेख गर्नु भएको छ ।

राष्ट्रपति भण्डारीले नर्या संविधान जारी भएपछि देशको द्रुतत्तर आर्थिक समाज रुपान्तरण गर्नुपर्ने आवश्यकतालाई ह्दयङ्गम गर्दै हाम्रो विविधतापूर्ण संस्कृति अनुरुप चाडपर्व मनाउदा कुरीति र कमजोरी हटाइ आर्थिक मितव्यायिता अपनाउनु आजको अपरिहार्यता भएको बताउनु भएको छ ।

तीजको उपलक्ष्यमा उपराष्ट्रपति पुनद्वारा शुभकामना

उपराष्ट्रपति नन्दबहादुर पुनले हरितालिका तीजको अवसरमा सम्पूर्ण नेपाली दिदीबहिनीमा सुख समृद्धि, सुस्वास्थ्य एवं उत्तरोत्तर प्रगतिको कामना गर्नुभएको छ ।

उपराष्ट्रपति पुनले हिजो शुभकामना सन्देश दिनुहुदै नेपाल राष्ट्रको निर्माण र नेपाललाई विश्वसामु परिचित गराउन नेपाली महिलाको ठूलो योगदान रहेको उल्लेख गर्दै मुलुकमा भएका परिवर्तनकारी आन्दोलन तथा सशस्त्र सङ्घर्षहरूमा महिला दिदीबहिनीले पु¥याउनुभएको योगदानको स्मरण गर्नुभएको छ ।

सङ्घर्षबाट प्राप्त सामाजिक न्यायसहितको समानुपातिक समावेशी शासन व्यवस्थाले सबै तहमा महिलाको समानुपातिक प्रतिनिधित्व सुनिश्चित गरेको उल्लेख गर्दै उपराष्ट्रपतिले तीज पर्वको अवसरमा नेपालको परिवर्तनकारी आन्दोलनमा सहभागिता र यसबाट प्राप्त उपलब्धिप्रति गौरव गर्न सम्पूर्ण दिदीबहिनीलाई आग्रह गर्नुभएको छ ।

हरितालिका तीजले नेपाली महिलामा आपसी सद्भाव, सहिष्णुता र भाइचाराको अभिवृद्धि गर्न सकोस् भन्ने कामना गर्दै उहाँले तीज सिर्जनशील र उल्लासमय रहोस् भनी शुभकामना व्यक्त गर्नुभएको छ ।

यसैवीच प्रधानमन्त्री पुष्पकमल दाहालले नेपाली महिलाको महान् पर्व तीजको अवसरमा शुभकामना दिनुहुँदै देश–विदेशमा बस्ने सम्पूर्ण नेपाली दिदी–बहिनीमा सुख, समृद्धि, सु–स्वास्थ्य एवं उत्तरोत्तर प्रगतिको हार्दिक मङ्गलमय शुभकामना व्यक्त गर्नुभएको छ ।

प्रधानमन्त्री दाहालले नेपालको सबैखाले परिवर्तनकारी आन्दोलनमा महिला वर्गले खेलेको भूमिकाको प्रशंसा गर्दै प्राप्त उपलब्धिप्रति गर्व गर्न तीज पर्वले प्रेरणा मिलोस् भनी कामना गर्नुभएको छ ।

त्यस्तै नेपाली काँग्रेसका सभापति शेरबहादुर देउवाले नेपाली महिलाको महान् पर्व हरितालिका तीजको अवसरमा शुभकामना सन्देश दिनुहुँदै देश तथा विदेशमा रहेका महिला दिदीबहिनीमा सुश, शान्ति, समृद्धि तथा आपसी भाइचारा र भ्रातृत्वको भावना जगाउन उत्तरोत्तर प्रगतिको हार्दिक शुभकामना व्यक्त गर्नुभएको छ ।

सभापति देउवाले नेपालजस्तो बहुभाषा, बहुजाति, संस्कृति र परम्परा भएको देशमा यसप्रकारका चाडपर्वले आपसमा मित्रता र सद्भाव बढाउन प्रेरणा दिने विश्वास व्यक्त गर्नुभएको छ ।

यसैगरी नेपाली काँग्रेस वरिष्ठ नेता रामचन्द्र पौडेलले शुभकामना सन्देसमा संविधानसभाबाट सङ्घीय लोकतान्त्रिक गणतान्त्रिक नेपालको संविधान जारी भएर त्यसको कार्यान्वयनको अवस्थामा रहेको बेला संविधानप्रदत्त महिला हक अधिकारलाई सुनिश्चित गरी राज्य र राजनीतिक दल सहितका विभिन्न निकायमा महिला सहभागिता बढाउँदै लानुपर्नेमा जोड दिनुभएको छ ।

यसैगरी विभिन्न मिष्ठान परिकर र फलफुल खाएर हिन्दु नारीहरुले तीजको दर खाएर तीजपर्व मनाउदै छन् । हरितालिका तीनको निराहार व्रतको अघिल्लो दिन अर्थात हिजोको दिन हिन्दु नारीहरुले फलफुल र मिष्ठान्न भोजन दलरका रुपमा खाने प्रचलन छ ।

त्यसैगरी सुदुरपश्चिम सांस्कृतिक पर्व गौरा धुमधामका साथ मनाइएको छ ।