खर्च अभावले नवदुर्गा नाचमा देवगणको अभाव
Posted on: September 01, 2016 | views: 292
१६ भदौ, भक्तपुर ।
आर्थिक खर्च बढी लाग्ने भएकै कारण भक्तपुरको नवदुर्गा नाचका लागि देवगण हुने व्यक्तिको अभाव भएको छ । देवगण हुने ब्यक्ति आर्थिक संकटमा पर्ने भएकाले देबगण हुने ब्यक्तिको अभाव भएको नाचका नाइके बुद्धिबहादुर बनमालाले बताउनुभयो ।
नाचमा सहभागी हुनेले नाच सिक्ने क्रममा हुने सबै खर्च आफैँले बेहोर्नुपर्ने र देवगण बनिसकेपछि ८ महिना भन्दा बढी समय लगातार हुने जात्रा पर्वमा समय खर्चनुपर्ने भएकाले यसमा युवा पुस्ताको आकर्षण कम हुँदै गएको उहाँले बताउनुभयो ।
देवगणले जागिर खान र व्यवसाय गर्न नसकिने भएकाले पनि देवगणको अभाव भएको बताउदै नाइके बनमालाले सरकारले उचित सहयोग नगरे नाच नै लोप हुने भय उत्पन्न भएको बताउनुभयो ।
युवा पुस्ता विदेशिने तथा पश्चिमी संस्कृतिप्रति मोह बढ्दै जाँदा र प्रत्येक वर्ष देवगण फेरिने परम्पराका कारण पनि नाच संचालन गर्न कठिनाई भएको नाईकेहरु बताउँछन् ।
नाच सञ्चालन गर्न १३ देवगण, तीन जना बाजा बजाउने, चार नाइके र तीन पोमी आवश्यक पर्ने गर्दछ । दसैँको कोजाग्रत पूर्णिमामा राष्ट्रप्रमुखलाई दर्शन गराउन देवगणको नाच देखाउने र नवदुर्गा नाच वर्ष दिनभित्रमा बिभिन्न स्थानमा ३५ पटक प्रदर्शन गर्नुपर्ने चलन छ ।
जात्रा व्यवस्थापन समितिका सचिव रत्नमान बनमालाले जात्रा अवधिभर झन्डै ९÷१० लाख रुपियाँ खर्च हुने गरेको बताउनुभयो ।
ताजा अपडेट
-
प्रविधिमैत्री बन्दै छ नुवाकोटको तादी गाँउपालिका
-
किस्पाङ पोखरी र फिकुरी मन्दिरमा मेला सम्पन्न
-
जग्गा अभावले नुवाकोटका २८ विद्यालयको पुर्ननिर्माण अन्योल, भारतीय दूतावासले पनि ठग्यो
-
आज प्रकाश दाहालको स्मृति दिवस, कस्ता थिए उनी ..के-के गरे जीवनमा..( नजिकबाट चिनौ )
-
नुवाकोटको शिवपुरी-५ महाकालीका लाभग्राहीले अनुदान पाएनन्
-
देवीघाटमा फूलको डोली तार्ने जात्रा (फोटो फिचर)
-
नेविसङ्घको म्याद दुई महीना थपियो