अदालत जनताको न्यायको घर हो ः प्रधानन्यायाधिस कार्की

Posted on: August 29, 2016 | views: 341

१३ साउन, सुनसरी ।
न्यायलयलाई जनताको घरको रुपमा स्थापित गर्ने र जनताको विस्वासको केन्द्र बनाउनुपर्ने आवश्यक रहेको प्रधान न्यायाधिस सुशिला कार्कीले बताउनुभएको छ ।
न्यायमा सवैको पहुच नै हाम्रो उदेश्य रहेकाले अदालतलाई न्यायको आस्थाको केन्द्रमा समेत स्थापित गर्नुपर्ने बताउनुभयो ।

सोमबार विहान सुनसरी जिल्ला अदालतको भवन निर्माण गर्ने नयाँ भवन शिलान्यासका लागि इनरुवा आईपुग्नु भएकी प्रधान न्यायधिस कार्कीले सवै जनताको पहुचमा न्यायलय रहेको सन्देश दिने गरी सेवा प्रभाह तथा काम सम्पादन गर्न समेत निर्देशन दिनुहुदै सो कुरा बताउनुभएको हो ।

प्रधानन्यायाधिस कार्कीले कानूनब्यवसायी र न्यायाधिसहरुलाई असल काम गरेर स्वर्ग जाने बातावरण बनाउन समेत सुझाव दिनुभएको छ । बरिष्ठ अधिवक्ता विपुलेन्द्र चक्रवर्तीले एक कथा भन्नहुदै नर्कमा बढी वकिल, न्यायाधिस र ईन्जिनियर लगायतका व्यक्तित्वहरु रहेको बताएपछि अदालतको नयाँ निर्माण हुने सुविधासम्पन्न अदालत भवनको शिलान्यास समारोहलाई संवोधन गर्नुहुदै वहाँले, असल काम गरेर नर्क होईन स्वर्ग जाने वातावरण बनाउन सुझाव दिनुएभको हो ।

कार्कीले न्यायप्रणालीलाई आधुनिकिकरण गर्न सुविधासम्पन्न भवन आवश्यक रहेको तथ्य अनुसार सुनसरी जिल्ला अदालतको भवन निर्माण गर्न लागिएको स्पष्ट पार्दै भवन निर्माणको क्रममा मुनाफाको लागि ठेकेदारले कमसल बस्तुको प्रयोग गर्न सक्ने भएकोले त्यसतर्फ नियमित अनुगमन गर्न न्यायधिस, बार एसोसिएसन र प्रमुख जिल्ला अधिकारीलाई निर्देशन दिनुभयो  ।

न्याय सेवा छिटो , छरितो र मितव्यी हुनुपर्ने समेत बताउनुभयो । वहाँले अदालत भनेको जनताको घर जस्तो बनाउनुपर्ने र त्यसमा सवैले न्याय पाउने विस्वास समेत बढेकाले त्यसलाई कायम गर्दै अन्यायमा परेकाहरुलाई न्याय दिने कुरामा कुनै कसर वाँकी नराख्न आग्रह गर्नुभयो ।

नयाँ बन्न लागेको भवन सय वर्षसम्म टिक्ने र दिर्घकालिन हुने गरि काम गर्ने आग्रह गर्नुहुदै जनताको सोव छिटोछरितो सम्पादन गर्न भौतिक पूवाधारले पनि योगदान गर्ने विश्वास व्यक्त गर्नुभयो । वहाँले अहिले देशमा सरकारी काम प्रतिको विश्वसनियता घट्नो क्रममा रहेकाले त्यसमा सवैको निगरानी र खवरदारी आवश्यक रहेको समेत औल्याउनुभयो ।

नेपाली जनताको अदालत प्रतिको आस्था बढेकाले त्यसकालाई कायम राख्न र थप प्रभावकारी सेवा दिन न्यायलयलाई जनताको घरको रुपमा विकास गर्नुपर्ने बताउनुभएको हो । न्यायसम्पादनमा बार र बेन्चको महत्वपूर्ण भुमिका रहेकाले त्यसै अनुसारको भुमिका निर्वाह गरिदिन वहाँले आग्रह समेत गर्नुभयो ।

भवन शिलान्यास गर्नु अगाडि विहान प्रधान न्यायाधिस कार्कीले जिल्लामा भएको न्याय सम्पादनको अवस्थाको बारे जिल्ला न्यायाधिसहरुबाट जानकारी लिनुभएको थियो ।
कार्कीले अदालत कक्षको निरीक्षण गर्नुहुदै थप व्यवस्थित र सुविधा युक्त कक्षको खाँचो रहेको समेत बताउनुभयो ।

सुनसरी बारले आयोजना गरेको अन्र्तकृयामा समेत सहभागि बन्नु भएकी प्रधान न्यायाधिस कार्कीले सहज र चुस्त न्याय सम्पादनलाई ध्यान दिनु पर्नेमा जोड दिनु भयो ।
शिलान्यास गरिएको भवन सुविधा सम्पन्न बन्ने बताइएपनि कति कोठा र लागत कति हुने भन्ने केही खुलाइएको छैन् ।

फरक प्रसंगमा सरकारी तवरबाट सम्पादन हुने पूर्वाधार निर्माण प्रति प्रधान न्यायाधिस कार्कीले असन्तुष्टि समेत व्यक्त गर्नु भएको छ । सुनसरी जिल्ला अदालतको नव निर्मित भवन शिलान्यासका लागि इनरुवा आईपुग्नु भएकी कार्कीले सरकारी काम प्रतिको विश्वसनियताकालागि निगरानी र खवरदारी आवश्यक रहेको औल्याउनुभयो ।
प्रधान न्यायाधिस कार्कीले सुनसरी जिल्ला अदालत परिसरमा बन्न लागेको नयाँ भवन सुविधा सम्पन्न र गुणस्तरीय बनाउन जिल्लातहका सरोकारवालाहरुलाई निगरानी र निरन्तर खवरदायी गर्न समेत आग्रह गर्नुुभयो ।

शिलिन्यास कार्यक्रममा सुनसरी जिल्ला बार एसोसिएसनका अध्यक्ष राजु ढकालले नयाँ भवन बनेपछि चुहिने भवनको भन्दा राम्रो सेवा प्रभाह हुने विश्वास व्यक्त गर्नुभयो । कार्यक्रममा सर्वोच्च अदालतका रजिष्टार श्रीकान्त पौडेलले न्यायमा सबैको पहुँच पुर्याउन संरचना निर्माण आवश्यक रहेको भन्दै पहिलो चरणमा कार्यालय र दोस्रो चरणमा न्यायधिस र कर्मचारीहरुको आवास निर्माणको निर्णय गरेर काम अघि बढी रहेको बताउनुभयो ।

पुनरावेदन अदालत बिराटनगरका मुख्य न्यायधिसको सभापतित्वमा भएको कार्यक्रममा सुनसरी जिल्ला न्यायाधिस रमेश राज पोखरेल, बार एसोसिएन सुनसरीका अध्यक्ष राजु ढकाल, केन्द्रीय सदस्य हरिनारायण चौधरी र प्रमुख जिल्ला अधिकारी मोहनवहादुर चापागाई लगयताकाले समेत बोल्नुभएको थियो । सुनसरी जिल्ला बार एसोसिएसनका अध्यक्ष राजु ढकालले नयाँ भवन बनेपछि पानी चुहिने भवनको भन्दा राम्रो सेवा प्रभाह हुने विश्वास व्यक्त गर्नुभयो ।

कार्यक्रममा सर्वोच्च अदालतका रजिस्टार श्रीकान्त पौडेल तथा सहरजिस्टार, कानुन व्यवसायी, पत्रकार, समाजसेवी, न्यायधिश तथा मुख्य न्यायधिशहरुको समेत सहभागिता रहेको थियो ।  भवन शिलिन्यास कार्यक्रम पूनरावेदन अदालत विराटनगरका कामु न्यायधिश कुमार पोखरेलको अध्यक्षतामा सम्पन्न भएको थियो ।