प्रधानमन्त्रीका कुरा ‘अबको सङ्घर्ष सुशासन र समृद्धिका लागि’

Posted on: August 21, 2016 | views: 279

५ भदौ, काठमाडौं ।
प्रधानमन्त्री पुष्पकमल दाहालले अब सुशासन, विकासका लागि ध्यानकेन्द्रित गर्नुपर्ने बताउनुभएको छ ।

प्रधानमन्त्री निवास बालुवाटारमा बिहान पश्चिमाञ्चल विकास मञ्चका प्रतिनिधिमण्डलसँगको भेटमा उहाँले राजनीतिक परिवर्तनका लागि लामो समय खर्चिएकाले अब आर्थिक समृद्धिको दिशामा अघि बढ्नुपर्नेमा जोड दिनुभयो ।

प्रधानमन्त्री दाहालले मधेस, पहाड र हिमाललाई जोडेर आन्तरिक राष्ट्रिय एकता सुदृढ गर्दै छिमेकीसँग सन्तुलित सम्बन्ध कायम गर्न र मुलुकलाई विकास समृद्धि र पुनःनिर्माणको दिशामा अघि बढाउनु आफ्नो प्राथमिकता भएको उल्लेख गर्नुभयो ।