मन्त्रीपरिषद निर्णय-'तराईमा मारिएका भारतीयलाई पनि १० लाख'

Posted on: August 18, 2016 | views: 520

२ भदौ, काठमाडौं ।
बिहिबार बसेको मन्त्रिपरिषद बैठकले भारतले लगाएको नाकाबन्दीमा सघाउनेगरि मधेशी मोर्चाले गरेको तोडफोडमा संलग्नहुँदा प्रहरी कारवाहीमा मारिएको भारतीयलाई पनि १० लाख रुपैयाँ दिने निर्णय गरेको छ ।

प्रधानमन्त्री पुष्पकमल दाहाल प्रचण्डको नेतृत्वमा बसेको बैठकले तराई आन्दोलनमा मारिएको भन्दै आत्महत्या, कालगतिले मरेका भनिएका समेतको गरि ५२ जनाका परिवारलाई राज्य ढुकुटीबाट १० लाख रुपैयाँ दिने निर्णय गरेको हो ।

बैठकले तराई मधेश आन्दोलका क्रममा शहादत प्राप्त गरेको व्याख्या गर्दै ५२ जनाका परिवारलाई प्रतिपरिवार १० लाख रुपिया उपलव्ध गराउने निर्णय गरेको छ ।

यसैगरि आन्दोलनका क्रममा भएको तोडफोड र नोक्सानीको तथ्य संकलन गर्न पूर्ब न्यायधिस गिरिसचन्द्र लाल दिक्षितको संयोजकत्वमा सात सदस्यीय आयोग गठन गर्ने निर्णय भएको सुचना तथा संचार मन्त्री एबं नेपाल सरकारका प्रबक्ता सुरेन्द्र कुमार कार्कीले जानकारी दिए ।

बैठकले काबुल बम आक्रमणमा परि निधन भएका नेपालीहरुको शब नेपाल ल्याउन खर्च भएको करिब ९१ लाख रुपैया स्विकृत गरेको छ ।

यसैगरि बैठकले तराईमा स्थानिय तहको निर्बाचन सम्बन्धि बिधेयक तर्जुमा गर्न सैद्धान्तिक स्विकृती प्रदान गरेको छ ।