लोकमानको दवावमा अख्तियार वरपर धर्ना जुलुस गर्न निषेध

Posted on: August 13, 2016 | views: 385

२९ साउन, काठमाडौं ।
अख्तियार दुरुपयोग अनुसन्धान आयोगका प्रमूख लोकमानसिंह कार्कीले पदिय दुरुपयोग गरेर काम गर्न थालेको भन्दै बिरोध बढ्दै गइरहेका बेलामा उनकै दवावमा जिल्ला प्रशासन कार्यालय काठमाडौँले सो कार्यालय वरपर धर्ना जुलुस गर्न नपाउनेगरि निषेधित क्षेत्र तोकेको छ ।

अख्तियार दुरुपयोग अनुसन्धान आयोगको केन्द्रीय कार्यालय टङ्गाल रहेको आसपासका क्षेत्रलाई निषेधित क्षेत्र तोकेको हो ।

जिल्ला सुरक्षा समितिको सिफारिस तथा स्थानीय प्रशासन ऐन, २०२८ को दफा ६९३० बमोजिम अर्को आदेश नभएसम्मका लागि आजबाट लागु हुनेगरी निषेधित क्षेत्र तोक्ने आदेश प्रजिअ रामकृष्ण सुवेदीले दिएको सहायक प्रमुख जिल्ला अधिकारी गणेशप्रसाद भट्टराईले जारी गर्नुभएको सूचनामा उल्लेख छ ।

पूर्वमा विशालनगर र हाँडीगाउँ, पश्चिममा गैरीधारा चोक, उत्तरमा गणेश मन्दिर र दक्षिणमा दूरसञ्चार नक्सालदेखि बालमन्दिर जाने चोकसम्म निषेधित क्षेत्र तोकिएको जिप्रकाले जनाएको छ ।

उल्लेखित सूचनाको वर्खिलाप हुनेगरी कसैले कार्य गरेमा कानुनबमोजिम कारबाही हुने जिप्रकाले जनाएको छ ।