सुत्केरीको २० हजारको उपचार गर्न डेढ लाख खर्चेर भाडामा लगिएको थियो हेलिकोप्टर

Posted on: August 10, 2016 | views: 500

२६ साउन, काठमाडौं ।

बिरामी सुत्केरीलाई उपचारका लागि काठमाडौं लैजान चार्टर्ड गरिएको हेलिकप्टर सोमबार दुर्घटना हुँदा सिर्दिवास २ का पाँचसहित सातजनाको मृत्यु भयो ।

बिरामीले उपचार पाउनु त पर, सातजानाले व्यर्थै जीवन गुमाउनुपर्‍यो ।

तीन दिनअघि गत शुक्रबार सिर्दिवास ९ न्याकमा लक्षेन्द्र गुरुङ र फुलमाया गुरुङलाई एक लाख ३० हजार खर्च गरेर हेलिकप्टर चार्टर्ड गरी काठमाडौं लगियो । आजको अन्नपूर्णमा समाचार छ ।

उनीहरुको अहिले त्रिवि शिक्षण अस्पतालमा उपचार भइरहेको छ ।

त्यसभन्दा केही दिनअघि सोही गाउँका दुई महिलालाई हेलिकप्टर चार्टर्ड गरी त्रिवि शिक्षण अस्पताल पुर्‍याइयो ।

१५ दिन काठमाडौंमा उपचार गर्दा २० हजार रुपैयाँ खर्च भएको विरामी को हेरचाह गर्न आएकी कुमारी गुरुङले बताइन् ।

त्यसभन्दा केही दिनअघि ल्हो गाविसका दुई घाइतेलाई पनि एक लाख ७० हजार रुपैयाँ भाडा तिरेर हेलिकप्टरमार्फत काठमाडौं लगिएको थियो । केही दिनको उपचारपछि उनीहरु घर फर्किए ।