तीनकुनेमा चीनले यस्तो शान्ति मण्डला बनाउँदै छ (फोटो फिचर)

Posted on: August 08, 2016 | views: 780

२४ साउन, काठमाडौं ।
काठमाडौको तीनकुने स्थित शान्ति मण्डलाको निर्माण चीनको छेन्दु नगरपालिकाले गर्ने तयारी भइरहेको छ ।

नगरलाई थप सुन्दर, हरियाली र आन्तरिक तथा बाह्य पर्यटक आकर्षित गर्ने उद्देश्यले तीनकुनेमा शान्ति मण्डला बनाउन लागिएको काठमाडाँै महानगरपालिकाका प्रवक्ता ज्ञानेन्द्र कार्कीले जानकारी दिनुभयो ।

कार्कीका अनुसार छेन्दु नगपालिकाका मेयरले कुनै एउटा परियोजनामा लगानी गर्ने चासो देखाएपछि कामपाले मण्डला निर्माणको जिम्मा दिन तयार भएको हो ।

कामपाका अनुसार ५ वर्षभित्र शान्ति  मण्डला निमार्णंका लागि हाल नक्साङ्कनको काम र निमार्णको लागि करिव एक अर्व अर्ब २३ करोड ४६ लाख रुपैया खर्च लाग्ने अनुमानित प्रतिवेदनसमेत सार्वजनिक भइसकेको छ ।

शान्तिमण्डलाको बीच भागमा १६ मि अग्लो बुद्धको विशाल मूर्ति हुने र मण्डलाको संरचना हिन्दू र बौद्ध धर्मलाई समायोजन गरी तयार गर्ने छ । मण्डलाको प्रत्येक कुनामा हिन्दू धर्मको प्रतिनिधित्व हुने गरी ब्रह्मा, विष्णु र महेश्वरका मूर्ति राखिनेछ ।

त्यस्तै मूर्तिको वरिपरि रूख–बिरुवा रोपिने र संरचनाको तीनवटै कोणमा चौबिसै घन्टा पानी आउने ‘फाउन्टेन’ निर्माणको गर्ने योजना छ ।  

करिब ५१ रोपनी क्षेत्रफलमा निर्माण हुन लागेको उद्यानभित्र एकैपटक २०० जनाले योग गर्न सक्ने योग कक्षसमेत निर्माण गरिने योजना रहेको महानगरपालिकाले जनाएको छ ।