शशांक कोइरालाको भेन्टिलेटरमा उपचार हुँदै

Posted on: July 06, 2016 | views: 967

२२ असार, काठमाडौं ।

नेपाली कांग्रेसका महामन्त्री शशांक कोइराला अकस्मात अस्पताल भर्ना भएका छन् ।

कोइरालालाई मंगलबार साँझ एक्कासी वान्ता हुन थालेपछि चाबहिलस्थित ओम अस्पतालको भेन्टिलेटरमा राखेर उपचार थालिएको छ ।


अस्पताल भर्ना भएपछि बुधवार बिहान ४ बजेतिर फेरि वान्ता भएपछि उनलाई आइसीयूमा राखेर डा. लब जोशी नेतृत्वको चिकित्सकको टोलीले उपचार गरिरहेको ओम अस्पतालले जानकारी दिएको छ ।
 
कोइरालालाई ‘ निमोनिया’ भएको चिकित्सकको टोलीले पुष्टि गरेको छ । आइसियुमा राखेर कोइरालाको उपचारमा बरिष्ठ कार्डियोलोजिष्ट डा। जोशी र डा। भगवान कोइराला,  डा. सुवोध ढकाल, डा. श्याम महर्जन  र राहुल पाठक सहिका चिकित्सकको टोलीले उपचार गरिरहेको छ ।

आइसीयूमा भर्ना भएका कोइरालाको रक्तचाप निकै न्यून रहेको र स्वास्थ्यमा सुधार आउन केही दिन लाग्ने चिकित्सकहरुले बताएका छन् ।