प्युठानमा पहिरोमा पुरिएर दुई परिवारका ८ जनाको मृत्यु

Posted on: July 05, 2016 | views: 330

२१ असार, प्युठान ।
अविरल वर्षाका कारण गएको पहिरोका पुरिएर गएराति प्यूठानमा दुई परिवारका ८ जनाको जनाको मृत्यु भएको छ ।

पहिरोले घर पुरिँदा प्यूठानको रजवारा गाविस वडा नं. ३ नेटाका दुर्गबहादुर मल्ल, उहाँको श्रीमति सिता, छोरीहरु सुशिला, लेखा र सिर्जनाको घटना स्थलमै मृत्यु भएको हो ।

छिमेकीकोमा बस्न गएका छोरा बसन्त र अर्का एक छोरी भने सकुसल रहेको रजवाराका स्थानीय तथा पत्रकार महासंघ प्यूठानका सचिव महावीर रानाले जानकारी दिनुभयो ।

त्यस्तै पूँजा गाविस वडा नं. ३ बाग्लीवाङ्गमा हुमबहादुर सुनार उहाँको श्रीमती र ७ वर्षिय छोरीको मृत्यु भएको प्यूठान प्रहरीले जनाएको छ ।

प्रमुख जिल्ला अधिकारी जनकराज पन्त, प्यूठान प्रहरी प्रमुख रञ्जित सिंह राठौर, नेपाल रेडक्रलस सोसाइटी लगायतको टोली अहिले विहानै रजवारा घटना स्थल पुगेको छ । घटनास्थल प्यूठान जिल्ला सदरमुकामबाट १७ कोष टाढा पर्दछ ।