मुस्ताङमा आणविक बम बनाउने गुणस्तरीय युरेनियम भेटियो

Posted on: July 01, 2016 | views: 562

खानी तथा भूगर्भ विभागले मुस्ताङको लोमान्थाङ क्षेत्रमा युरेनियमको परिमाण धेरै र गुणस्तर पनि उत्कृष्ट खालको भेटिएको जनाएको छ ।

उद्योग मन्त्री सोम प्रसाद पाण्डे सहित खानी तथा भू–गर्व विभागको प्रविधिक टोलीले, यसै हप्ता मुस्तांगको युरेनीयम खानी, नुनखानीको अवलोकन तथा अध्ययन गरेको थियो ।

स्थलगतरूपमा गरिएको अध्ययनपछि उद्योगमन्त्री सोमप्रसाद पाण्डेले अब लोमान्थाङमा युरेनियम अन्वेषणका लागि उद्योग मन्त्रालयले थप प्राविधिक टोली छिट्टै खटाउने बताउनुभयो ।

“कानुन बनाउन पनि मन्त्रालय लाग्ने र त्यसपूर्व यसको सबै प्रक्रिया पूरा गर्न राज्यले कुनै कसर बाँकी नराख्ने उद्योगमन्त्री पाण्डेले जानकारी दिनुभयो ।

युरेनियमलाई इन्धन र परमाणु हतियार निर्माणका लागि कच्चापदार्थका रूपमा प्रयोग गर्न सकिन्छ ।

भूगर्भ विभागका अनुसार, मकवानपुर, वैतडी र बझाङ जिल्लामा समेत युरेनियमको खानी भेटिएको छ ।

खानी तथा भूगर्भ विभागका प्रमुख राजन पौडेलले स्थलगतरूपमा गरिएको अध्ययन र सङ्कलन गरिएको तथ्यबाट मुस्ताङको मुक्तिनाथ क्षेत्रमा पेट्रोलियम पदार्थ र तेताङमा नुनको खानी रहेको पुष्टि भएको बताउनुभयो ।