असार पन्ध्र धान दिवस । पहिलेका हमला मन्त्री अहिलेका गमला मन्त्री

Posted on: June 29, 2016 | views: 735

१६ असार, काठमाडौं ।
उहिले अर्थात गत बर्ष धान दिवसको दिन सामान्य होसियारी नअपनाउँदा कृषि मन्त्री हरि पराजुलीको पद चट भयो । उनले असारे रोपाईमा महिलासँग जिस्कंदा हमला गरेको भन्दै हमला मन्त्रीको पगरी गुथाएर सामाजिक सञ्जालमा व्यापक बिरोध हुँदा उनले मन्त्री पदनै गुमाए ।

हरी पराजुलीको नियती देखेर हो वा सजगता अपनाएर हालका कृषि मन्त्री हरिबोल गजुरेलले कोठा भित्रै गमलामा धान रोपे यसपाला । तर उनको सजगता अलि बढी नै देखिंदा जग हँसाउनेगरि गमलामा धान रोप्दा फेरी देश दुनियाँभर उनको दोहोलो काढिएको छ । भनिएको छ उहिलेका हमला मन्त्री अहिलेका गमला मन्त्री । तर हुनलाई भने कृषि विकास मन्त्री हुन् ।

के भयो त राज्यले कोषणा गरेको धान दिवस अर्थात् असार १५ मा
राजधानीसंगै देशका विभिन्न स्थानमा रोपाइँ गरी १३औँ राष्ट्रिय धान दिवस मनाइएको छ ।

व्यावसायिक धानखेतीको आधार, सामुदायिक नर्सरीको विस्तार’ नाराका साथ खाद्य सङट उत्पन्न हुन नदिन भातबाहेक अन्य खाद्यान्नलाई पनि खानाका रुपमा प्रयोग गर्न भन्दै दिवस मनाइएको हो ।

कृषि विकास मन्त्रालयका अनुसार धानखेती हुने करिब १५ लाख हेक्टर क्षेत्रफलमध्ये आजसम्म १८ प्रतिशत रोपाइँ भइसकेको छ । तराईमा ७० प्रतिशत, पहाडमा २६ तथा हिमाली क्षेत्रमा ४ प्रतिशत धानबाली लगाइन्छ । मन्त्रालयका अनुसार आव २०७२÷७३ मा करिब १४ लाख हेक्टरमा ४३ लाख मेट्रिक टन धान उत्पादन भएको छ ।

धान विज्ञ भोलामानसिंह बस्नेतले बिहान बेलुकी नै खानामा भात खाने बानीमा सुधार गर्दै गहुँ, फापरको रोटी, आलुलाई खानामा समावेश गर्न सके नेपालमा चामलको अभाव नहुने बताउनुभयो ।

कृषकले बीउ तथा मल छनोटमा ध्यान पु¥याए अहिले भन्दा २० प्रतिशत बढी धान उत्पादन गर्न सकिने उहाँको भनाइ छ ।

सरकारले प्राथमिकता नदिदा कृषि क्षेत्रको विकास नभएको कृषिमन्त्रीको भनाई
कृषि मन्त्री हरिबोल गजुरेलले राजनितिक पार्टी र सरकारले प्राथमिकता नदिएका कारण कृषि क्षेत्रको विकाश हुन नसकेको बताउनुभएको छ ।

पव्लिक मिडिया क्लबले आज धनगढीमा गरेको पत्रकार सम्मलेलनमा मन्त्री गजुरेलले कृषिको आधुनिकरण गर्नका लागि आगामी वर्षको बजेटमा सरकारले ५ करोड ७८ लाख रुपैया छुट्याएको र  देशका २ हजार १ सय स्थानमा कृषि पकेट केन्द्र निर्माण गरिने बताउनुभयो ।

उहाँले आगामी माघसम्ममा देशमा ४ वटा निर्वाचन सम्पन्न गरिसक्नुपर्ने भएकाले राष्टिय सहमतिको सरकारको विकल्प नरहेकोे बताउनुभएको छ  ।

गमला मन्त्री र एकादेश नेपालको धान रोपाई (फोटो फिचर)