उपराष्ट्रपति पुनको पहिलो बिदेश भ्रमण चीनबाट सुरु

Posted on: June 10, 2016 | views: 372

२८, काठमाडौं । उपराष्ट्रपति नन्दबहादुर पुन आफ्नो पहिलो बिदेश भ्रमण आज चीनबाट गर्दैछन् । पुन चीन भ्रमणको लागि आज १ बजे त्यसतर्फ प्रस्थान गर्ने भएका छन् ।

चीन भ्रमणका क्रममा उपराष्ट्रपति पुनले चौथो चीन दक्षिण एसिमा मेला, २४ औं चीन कन्मिङ आयात निर्यात व्यापार मेला र चीन दक्षिण एसिया व्यवसायी मञ्चलाई सम्बोधन गर्ने भएका छन् ।

भ्रमण टोलीमा उपराष्ट्रपतिकी धर्मपत्नी हस्तमाली, उपराष्ट्रपति कार्यालयका सचिव राजेन्द्रकिशोर क्षेत्री, स्वकीय सचिव सुकबहादुर रोका, प्रेस संयोजक, पाश्र्ववर्ती प्रमुख सेनानी मनोजकुमार सिलवाल लगायत ११ जना सहभागी छन् ।

उपराष्ट्रपतिमा निर्वाचित भएपछि पुनको यो पहिलो विदेश भ्रमण हो ।

चीनको साता व्यापी भ्रमण सकेर उपराष्ट्रपति पुन असार २ गते स्वदेश फर्कने कार्यक्रम छ ।