नुवाकोटमा बालुवा खानीमा पुरिएर तीन मजदुरको मृत्यु, ठेकेदार फरार-प्रहरी रमिते

Posted on: June 09, 2016 | views: 1060

२७ जेठ, त्रिशुली ।
अबैध रुपमा सञ्चालन हुदै आएको बालुवा खानीमा बालुवा लोड गर्ने क्रममा ढिस्कोमा पुरिदा नुवाकोटको खङ्गभञ्याङ गाँउ विकास समिति तीन जनाको मृत्यु भएको छ ।

अबैध रुपमा सञ्चालनमा रहेका खानीमा बालुवा लोड गरिरहेको समयमा खसेको ढिस्कोमा पुरिएर नुवाकोट दाङसिङ गाविस वडा नम्बर ४ फर्सिबोटे टोलका ३३ वर्षका गंगेसिंह तामाङ र १८ वर्षका प्रकाश तामाङ र खङ्गभञ्याङ गाविस वडा ९ मैरीटारका २२ वर्षका शंकर राईको घटनास्थलमा नै मृत्यु भएको छ ।

खङ्गभञ्याङ गाविस वडा नम्बर ९ मैरीटार स्थिती गैरीखोल्सो भन्ने स्थानमा सञ्चालन हुदै हाएको अबैध बालुवा खानीमा बा।३ ख ९७०९ नम्बरको गाडीमा बालुवा लोड गर्ने क्रममा माथीबाट आएको ढिस्कोमा पुरिदा“ गाडीका चालक गंगेसिंह सहचालक प्रकाश र मजदुर शंकर राईको मृत्यु भएको नुवाकोट प्रहरीले जनाएको छ । गाडीका चालक गंगेसिंह र सहचालक प्रकाश एकै हजुरबुबाको नातीहरु अर्थात ठूलोबाउ/काकाबाउको छोरा रहेका छन् । घटना भएको समयमा ढिस्कोमा पुरिएर पनि दुई जनाले ज्यान बचाउन सफल हुनुभभएको छ ।

बालुवा लोड गर्न प्रयोग गरिएको अर्को गाडी बा।३ ख ९१२७ नम्बरको आइचरका चालक नुवाकोटको तुप्चे गाविस वडा नम्बर ६ का जयन्त दर्जी र सह–चालक तारुका गाविस वडा नम्बर ६ का महेन्द्र परियारलाई बालुवाको ढिस्कोले पुरिएपनि पन्छाएर बाच्न सफल भएको बताउनुभएको छ ।

आज बिहान साढे ९ बजेको समयमा सगै पुगेका दुई वटा आइचरमा पालैपालो बालुवा लोड गरी काम सकेर बाहिर निस्कने समयमा ढिस्को खसेर घटना हुन पुगेको ढिस्कोमा पुरिएर पनि बाच्न सफल हुनुभएको बा ३ ख ९१२७ गाडीको चालक जयन्त दर्जीले बताउनुभएको छ ।

बालुवाका ढिस्कोमा पुरिएर पनि चुतयाइपूर्वक ज्यान बचाउन भएका नुवाकोटका तारुका गाविस वडा नम्बर ६ का महेन्द्र परियारले बालुवा लोड गरी गाडी खानीबाट बाहिरिने क्रममा बाथिबाट आएको ठूलो ढिस्कोले आइचरको पछाडीतर्फको भाग पुरेको बताउनुभएको छ ।


उहाँले बालुवाको ढिस्कोको पुरेको आइचरको अगाडी तर्फ रहनुभएका महेन्द्रले ढिस्को आएको जानकारी पाएलगत्तै भाग्न सफल भएकाले ज्यान जोगिएको बताउनुभएको छ ।

घटना भएको जानकारी पाएलगत्तै उद्धारको लागी पुग्नुभएका खङ्गभञ्याङ मैरीटारका स्थानीय तथा क्युक भोलिण्टियरका स्वंय सेवक दिपक ठकुरीलेले मृत्यु भएका मध्ये गाडकिा चालक विकास भनिने गंंगेसिंहको उद्धार गरेपनि औषधी उपचार पु¥याउन नसक्दा बचाउन नसकेको बताउनुभएको छ ।


घटनापछि उद्धारको क्रममा माथिबाट बालुवा आएकाले समयमै उपचार गर्न नसक्दा पुरिएकाहरुलाई उद्धार गर्न ढिलाई भएको क्युक भोलिण्टियरका स्वंय सेवक तथा स्थानीय युवा दिपक ठकुरीलेले बताउनुभएको छ ।

बालुवाको ढिस्कोले पुरिएपछि गंगेसिंह तामाङको तत्कालै उद्धार गरिएपनि बचाउन नसकेको र अन्य दुई जनाको स्काभेक्टर प्रयोगगरी शव निकालिएको घटनास्थलमा उद्धारको लागी पुग्नुभएका प्रहरी नायव उपरीक्षक ऋषिराम कंडेलले जानकारी दिनुभएको छ । बालुवाको ढिस्कोभित्र नै पुरएकाहरुलाई स्काभेक्टरको सहयोगमा अपरान्ह साढे १२ बजेमात्र शव निकालिएको थियो ।
घटना भएको बालुवाखानी नियमनकारी निकायमा दर्ता नै नगरी सञ्चालन गर्दै आएका खङ्गभञ्याङका पुस्कर र राजु अधिकारी घटनापछि फरार भएका छन् ।


अबैध रुपमा सञ्चालित बालुवा खानीमा बालुवा बोक्न प्रयोग गरिएको बा।३ ख ९७०९ को गाडी धनीलाई प्रहरीले पक्राउ गरेको छ । मैरीटार लगायतका स्थानमा रहेका बालुवा खानी दर्ता नगरी सञ्चालन हुदै आएको बालुवाखानी ठेकेदारले आफूखुसी सञ्चालन गरी विक्री गर्दै आएकाले व्यवस्थित बनाउनुपर्ने स्थानीयले बताएका छन् । अबैध रुपमा खानी सञ्चालन हुदै आएकाले व्यवस्थितको अभाव, सुरक्षित अपनाउने विधि, उत्खननको लागी हुनुपर्ने चेतनाको कमीको कारण जोखिमयुक्त रहेको खानीमा दुर्घटना भएको मैरीटारका स्थानीययुवा दिपक ठकुरीले बताउनुभएको छ ।

नुवाकोटको विभिन्न स्थान तथा नदी र खोलाहरुमा अबैध रुपमा सञ्चालन भएका निर्माण सामाग्रिको उत्खनन तथा खानी सञ्चालकहरुले जोखिम बढाउदै आएका छन् । अबैध रुपमा सञ्चालनमा रहेका खानी व्यवस्थापनको लागी नियमनकारी निकायको मौनताले जोखिमपूर्ण दुर्घटनाहरु बढ्दै गएको भन्दै स्थानीयहरुले सुरक्षा व्यवस्थान खानी सञ्चालनको नियमनलाई प्रभावकारी बनाउनुपर्नेमा जोड दिएका छन् ।